Table of Contents
తెలంగాణ హైకోర్టు సంచలన తీర్పు. రంగారెడ్డి జిల్లా కలెక్టర్ కి జైలు శిక్ష విధిస్తూ నిర్ణయం తీసుకుంది. రంగారెడ్డి జిల్లా అబ్దుల్లాపూర్‌మెట్ మండలం తుర్కయంజాల్ ప్రాంతంలోని భూముల వ్యవహారంలో తెలంగాణ హైకోర్టు సంచలన తీర్పు వెలువరించింది. న్యాయస్థానం ఇచ్చిన ఆదేశాలను ఉద్దేశపూర్వకంగా అమలు చేయలేదనే ఆరోపణలపై రంగారెడ్డి జిల్లా కలెక్టర్ సి.నారాయణరెడ్డికి ఆరు నెలల సాధారణ జైలు శిక్షతో పాటు రూ.2,000 జరిమానా విధిస్తూ ఆదేశాలు జారీ చేసింది. అయితే, ఈ తీర్పుపై ఉన్నత న్యాయస్థానంలో అప్పీలు చేసుకునేందుకు వీలుగా శిక్షను 4 వారాల పాటు తాత్కాలికంగా నిలిపివేసింది.
నిషేధిత జాబితా వివాదం
తుర్కయంజాల్‌లోని మన్నె ముత్యాలమ్మ కుంట పరిధిలో ఉన్న సర్వే నంబర్లు 536, 537, 657, 658లలోని రెండు ప్లాట్లను 22-ఎ నిషేధిత ఆస్తుల జాబితా నుంచి తొలగించాలని పి.శివలీల అనే మహిళతో పాటు మరొకరు గతంలో కలెక్టర్‌కు విన్నవించారు. తమ ప్లాట్‌లకు ఆనుకుని ఉన్న ఇతర ల్యాండ్‌ పార్సెళ్లను ఇప్పటికే ఆ జాబితా నుంచి మినహాయించారని.. సమాన ప్రాతిపదికన తమ భూములపై ఉన్న ఆంక్షలను కూడా ఎత్తివేయాలని కోరుతూ వారు హైకోర్టును ఆశ్రయించారు.
కోర్టు ఆదేశాలు – ధిక్కరణ పిటిషన్
ఈ వ్యవహారాన్ని పరిశీలించిన హైకోర్టు, పిటిషనర్లు ఇచ్చిన వినతిపత్రంపై 60 రోజుల్లో నిబంధనల ప్రకారం సముచిత నిర్ణయం ప్రారంభ జిల్లా యంత్రాంగాన్ని విడుదల చేసింది. అయితే, నిర్దేశిత గడువు ముగిసినప్పటికీ కలెక్టర్ ఎలాంటి నిర్ణయం తీసుకోలేదు బాధిత పిటిషనర్లు కోర్టు ధిక్కరణ పిటిషన్ దాఖలు చేశారు.
ఉద్దేశపూర్వక ఉల్లంఘనే
ఈ ధిక్కరణ పిటిషన్‌పై న్యాయమూర్తి కె.లక్ష్మణ్ ధర్మాసనం సుదీర్ఘ విచారణ జరిపింది. న్యాయస్థానం ఇచ్చిన స్పష్టంగా పాటించకపోవడం, పిటిషనర్ల దరఖాస్తును పరిశీలించడంలో కాలయాపన చేయడం ఉద్దేశపూర్వకంగా కోర్టు ధిక్కరణ కిందకే వస్తుందని న్యాయమూర్తి స్పష్టం చేశారు. ఈ నేపథ్యంలో కలెక్టర్ సి.నారాయణరెడ్డిని దోషిగా నిర్ధారిస్తూ 6 నెలల జైలు శిక్ష, పిటిషనర్లకు పరిహారంగా రూ. 2 వేల జరిమానా విధిస్తూ తీర్పు చెప్పారు.
మరిన్ని తెలంగాణ వార్తల కోసం ఇక్కడ క్లిక్ చేయండి
