ఎంతో ఇష్టంగా పెంచుకున్న జంతువులు చనిపోయినా లేదా కనిపించకుండా పోయినా వాటి యజమానులకు ఎంత బాధ ఉంటుందో ప్రత్యేకంగా చెప్పక్కర్లేదు. ముఖ్యంగా కనిపించకుండా పోయిన వాటిని వెతికి పట్టుకోవటం కోసం ఎంతో శ్రమిస్తారు. ఆచూకీ చెప్పిన వాళ్లకు డబ్బులు కూడా ఇస్తామని ప్రకటనలు ఇచ్చిన సందర్భాలు చాలా ఉన్నాయి. తాజాగా, గుజరాత్‌లోని వడోదరలో ఒక సంఘటన జరిగింది. పెంపుడు చిలుక తప్పిపోవడంతో, దానిని సురక్షితంగా వెతికి తెచ్చిన వారికి ఏకంగా ఒక లక్ష రూపాయల నగదు బహుమతి అందజేస్తుంది.
దీనికి సంబంధించిన పూర్తి వివరాల్లోకి వెళితే.. వడోదరలోని సేవసి రోడ్‌కు చెందిన జెస్సికా పరేఖ్, షాలిన్ పరేఖ్ దంపతులు నాలుగు నెలల క్రితం ముంబై నుంచి 1.10 లక్షల రూపాయలు ఖర్చుచేసి ఆఫ్రికన్ గ్రే జాతికి చెందిన మగ చిలుకను కొనుగోలు చేశారు. దానికి ప్రేమతో ‘లడ్డూ’ అని పేరు పెట్టుకున్నారు. జెస్సికా పరేఖ్ ఆ పక్షిని పెంపుడు జీవిలా కాకుండా తన సొంత కొడుకులా భావించేది. లడ్డూను సంరక్షించడం కోసమే ఆమె తన ప్రైవేట్ పాఠశాల ఉపాధ్యాయురాలు ఉద్యోగాన్ని కూడా వదిలిపెట్టింది.
గత శనివారం సాయంత్రం సుమారు 7.24 గంటల సమయంలో ఆరో అంతస్తులోని ఫ్లాట్ బాల్కనీలో ఉన్న బోను తాళాన్ని లడ్డూ తన ముక్కుతో తెరిచి, అక్కడినుంచి ఎగిరిపోయింది. అప్పటి నుంచి ఆ పక్షి ఆచూకీ లభించలేదు. లడ్డూ కనిపించకుండా పోవడంతో జెస్కా తీవ్ర మనస్తాపానికి కారణమైంది. గత నాలుగు రోజులుగా ఆమె కన్నీరుమున్నీరవుతున్నారు. ఖాళీ బోను చూస్తూ, ఫోన్‌లోని దాని పాత వీడియోలను చూస్తూ పరేఖ్ కుటుంబ సభ్యులు బాధపడుతున్నారు.
లడ్డూను తిరిగి రప్పించేందుకు పరేఖ్ కుటుంబం అన్ని ప్రయత్నాలూ చేస్తోంది. స్థానిక ప్రాంతాల్లో లౌడ్‌స్పీకర్ల ద్వారా జెస్సికా తన గొంతుతో రికార్డు చేసిన పిలుపులను వినిపిస్తూ వెతుకుతున్నారు. ఈ కోరికనే, లడ్డూను క్షేమంగా అప్పగించిన వారికి 1,00,000 రూపాయల రివార్డు ఇవ్వబడిన పోస్టర్లు విడుదల చేయబడ్డాయి. ఈ రివార్డు ప్రకటన తర్వాత చాలామంది నకిలీ ఫోటోలు పంపుతూ డబ్బుల కోసం ప్రయత్నిస్తున్నారు.
