Home తెలంగాణ తెలంగాణ కాంగ్రెస్ నేతలు: మొన్న కొండ సురేఖలానే.. నిన్న – Andhra Waves

తెలంగాణ కాంగ్రెస్ నేతలు: మొన్న కొండ సురేఖలానే.. నిన్న – Andhra Waves

by andhra andhrawave
0 comments
Oktelugu Epaper


తెలంగాణ కాంగ్రెస్ నేతలు: ఒక రాష్ట్రంలో ఒక అధికారంలో ఉంటే.. ప్రతిపక్షం విమర్శలు చేస్తుంది. ఆరోపణలు చేస్తుంది. నిరసనలు చేపడుతుంది. ఆందోళనలకు పిలుపునిస్తుంది. కానీ తెలంగాణ రాష్ట్రంలో ప్రస్తుతం జరుగుతోంది. అధికార పార్టీ మీద అధికార పార్టీ ఎమ్మెల్యేలు.. ముఖ్యంగా ముఖ్యమంత్రి నాయకత్వం మీద ఎమ్మెల్యేలు.. ఆగ్రహం వ్యక్తం చేస్తున్నారు. నిరసనలు చేస్తున్నారు. బహిరంగ సమావేశాలలో కీలకమైన వ్యాఖ్యలు చేస్తున్నారు. ఒకవేళ ఇలాంటి పరిస్థితి గనుక భారత రాష్ట్ర సమితిలో ఉండి ఉంటే కేసీఆర్ […]

తెలంగాణ కాంగ్రెస్ నేతలు: ఒక రాష్ట్రంలో ఒక అధికారంలో ఉంటే.. ప్రతిపక్షం విమర్శలు చేస్తుంది. ఆరోపణలు చేస్తుంది. నిరసనలు చేపడుతుంది. ఆందోళనలకు పిలుపునిస్తుంది. కానీ తెలంగాణ రాష్ట్రంలో ప్రస్తుతం జరుగుతోంది. అధికార పార్టీ మీద అధికార పార్టీ ఎమ్మెల్యేలు.. ముఖ్యంగా ముఖ్యమంత్రి నాయకత్వం మీద ఎమ్మెల్యేలు.. ఆగ్రహం వ్యక్తం చేస్తున్నారు. నిరసనలు చేస్తున్నారు. బహిరంగ సమావేశాలలో కీలకమైన వ్యాఖ్యలు చేస్తున్నారు.

ఒకవేళ ఇలాంటి పరిస్థితి గనుక భారత రాష్ట్ర సమితిలో ఉండి ఉంటే కేసీఆర్ తన్ని తరిమేసేవాడు. అప్పట్లో ఈటల రాజేందర్ గులాబీ పార్టీకి ఓనర్లు మేము అన్నందుకు కేసీఆర్ బయటికి పంపించాడు. దానికంటే ముందు తాటికొండ రాజయ్య వ్యవహార శైలి మీద అభియోగాలు రావడంతో మంత్రివర్గం నుంచి కెసిఆర్ తొలగించారు. కానీ కాంగ్రెస్ పార్టీకి ఇది చేతకాదు. పైగా అధిష్టానం దగ్గర లాబీయింగ్ చేసుకునే వాళ్లకు బ్రహ్మాండంగా పదవులు ఉంటాయి. ఇటీవల కాలంలో రేవంత్ రెడ్డి మీద.. అప్పటి మంత్రి కొండా సురేఖ.. ఆమె కుమార్తె సుస్మిత చేసిన వ్యాఖ్యలు తెలంగాణ రాజకీయాలలో సంచలనం సృష్టించాయి. సుస్మిత చేసిన వ్యాఖ్యల పట్ల అనేక రకాలుగా చర్చలు.. ఇతర సంప్రదింపులు జరిపిన అధిష్టానం ఎట్టకేలకు రేవంత్ రెడ్డి ఒత్తిడి తీసుకొస్తే సురేఖను మంత్రివర్గం నుంచి తప్పించింది.

ఇక అప్పటినుంచి సురేఖ పార్టీ కార్యక్రమాలలో పాల్గొనడం లేదు. పైగా గులాబీ పార్టీ కార్యనిర్వాహక అధ్యక్షుడు కేటీఆర్ కు క్షమాపణ చెప్పారు. అప్పటి రాజకీయ పరిస్థితులకు అనుగుణంగా అలా వ్యవహరించాల్సి వచ్చిందని ఆమె వివరించారు. ఇక కొండ సురేఖ మాదిరిగానే జడ్చర్ల ఎమ్మెల్యే అనిరుధ్ రెడ్డి… మరో ఎమ్మెల్యే కోమటిరెడ్డి రాజగోపాల్ రెడ్డి ముఖ్యమంత్రిపై విమర్శలు చేస్తున్నారు. కాంగ్రెస్ పార్టీ అధికారంలోకి వచ్చి మూడు సంవత్సరాలు అయినా.. ప్రజలు ప్రభుత్వం తీరుపై సంతృప్తిగా లేరని ఆయన అనేక విమర్శలు చేస్తున్నారు. తాజాగా కూడా ముఖ్యమంత్రి నేరుగా ప్రస్తావిస్తూ రాజగోపాల్ రెడ్డి విమర్శలు చేశారు. గతంలో ముఖ్యమంత్రిని విమర్శించినందుకే కొండా సురేఖను మంత్రివర్గం నుంచి తప్పించారు. అనిరుధ్ రెడ్డి.. రాజగోపాల్ రెడ్డి మీద కాంగ్రెస్ పార్టీ అధిష్టానం చర్యలు తీసుకుంటుందా.. అలాంటి అవకాశం ఉందా అనే చర్చ ప్రస్తుతం రాష్ట్ర వ్యాప్తంగా నడుస్తోంది.

రాజగోపాల్ రెడ్డి వ్యాఖ్యలకు సహజంగానే నమస్తే తెలంగాణ ప్రాధాన్యత ఇచ్చింది. టీ న్యూస్ నిన్నటి నుంచి ఈ వ్యవహారాన్ని గొప్పగా ప్రచారం చేసుకుంటున్నది. గులాబీ అయితే కొందరు మాత్రం రాజగోపాల్ రెడ్డి పార్టీ కండువా కప్పుకుంటున్నారని అంటున్నారు. మరికొందరేమ వైసీపీలో చేరి.. తెలంగాణ అధ్యక్షుడిగా పనిచేస్తారని అంటున్నారు. అందుకే ఆయన రేవంత్ రెడ్డి మీద విమర్శలు చేస్తున్నారు. నిజానికి ఇటీవల నల్గొండలో జరిగిన ఒక సమావేశంలో రాజగోపాల్ రెడ్డి రేవంత్ రెడ్డి ని కలిశారు. వేదిక మీద కుశల ప్రశ్నలు వేసుకొని కనిపించారు. దీనిని గులాబీ పార్టీ అనుకూల సోషల్ మీడియా గ్రూపులో నెగిటివ్‌గా ప్రచారం చేసింది. రాజగోపాల్ రెడ్డి ఒక అడుగు వెనక వేశారని చెప్పుకొచ్చాయి. కానీ యాదృచ్ఛికంగా రాజగోపాల్ రెడ్డి మాట్లాడిన మాటలకు నిన్నటి నుంచి ప్రాధాన్యత ఇవ్వడం మొదలుపెట్టింది. ఒకవేళ చర్యలు తీసుకుంటే అనిరుద్ రెడ్డి.. రాజగోపాల్ రెడ్డి ఏ పార్టీలోకి వెళ్తారు అనే చర్చ నడుస్తోంది. అనిరుద్ రెడ్డి ఓపెన్ గా మాట్లాడతారు. గులాబీ పార్టీలో ఇతరులకు మినహా వారికి అంతర్గత స్వేచ్ఛ ఉండదు. అలాంటి పార్టీలో అనిరుద్ రెడ్డి ఉంటారా అనేది ఒక అనుమానం. ఇక రాజగోపాల్ రెడ్డి కూడా అలాంటి వ్యక్తిత్వం ఉన్న నాయకుడే. గతంలో ఆయన మునుగోడు ఉప ఎన్నికలు వచ్చినప్పుడు కమలం పార్టీలో చేరారు. 2023లో కాంగ్రెస్‌లో చేరారు. ఇప్పుడు కాంగ్రెస్ ఎమ్మెల్యేగా కొనసాగుతున్నారు. కాంగ్రెస్ నుంచి కమలం పార్టీలోకి వెళ్లే అవకాశం లేదు. ఒకవేళ గులాబీ పార్టీలోకి వెళితే అప్పుడు ఆయన చేసిన విమర్శలకు సార్ధకత ఉండదు. మొత్తంగా చూస్తేష్టానం వీరిద్దరి మీద చర్యలు తీసుకోకుండా పొమ్మను లేక పొగ పెట్టే సామెతను నిజం చేసే అవకాశం ఉంది.



You may also like

Leave a Comment

Andhra Wavesdelivers breaking news, insightful analysis, and in-depth features across a diverse range of topics including politics, economy, culture, technology, sports, and more. Whether you’re a resident of the region, a diaspora member, or simply interested in staying informed about the dynamic developments in Andhra Pradesh and Telangana, 

Edtior's Picks

Latest Articles

All Right Reserved. Designed and Developed by Voice Bird