Home ఆంధ్రప్రదేశ్ YS Jagan : ఇంట్లో పెళ్లి చేసుకోవద్దని చెల్లికి కోర్టు నోటీసులు.. ఇదేం అన్నాచెల్లెళ్ల అనుబంధం జగన్ – Andhra Waves

YS Jagan : ఇంట్లో పెళ్లి చేసుకోవద్దని చెల్లికి కోర్టు నోటీసులు.. ఇదేం అన్నాచెల్లెళ్ల అనుబంధం జగన్ – Andhra Waves

by andhra andhrawave
0 comments
Oktelugu Epaper


YS Jagan : కుటుంబంలో పెళ్లి అంటేనే సందడి. ఇంటి నిండా బంధువులు, ఆత్మీయుల పలకరింపులు, పెళ్లి పనుల హడావుడి.. ఎక్కడ చూసినా ఆనందం కనిపించాలి. ముఖ్యంగా అన్నాచెల్లెళ్లు, అక్కాతమ్ముళ్లు కలిసి ఉండాల్సిన సందర్భం అది. చిన్న చిన్న మనస్పర్థలు ఉన్నా పక్కనపెట్టి శుభకార్యాన్ని ఆనందంగా జరుపుకునే సమయం. కానీ వైఎస్ కుటుంబంలో మాత్రం పరిస్థితి భిన్నంగా ఉంది. మేనకోడలి పెళ్లి వేళ కుటుంబ సభ్యుల మధ్య సంతోషం కంటే వివాదాలే ఎక్కువగా వార్తల్లో నిలుస్తున్నాయి. ఒకవైపు పెళ్లి ఏర్పాట్లు జరుగుతుంటే.. మరోవైపు కోర్టు కేసులు, న్యాయపరమైన వివాదాలు తెరపైకి వస్తున్నాయి.

పెళ్లి సందడిలోకి కోర్టు వివాదం!

బెంగళూరులోని యలహంక ప్యాలెస్ చుట్టూ వైఎస్ జగన్, వైఎస్ షర్మిల మధ్య కొనసాగుతున్న వివాదం మరోసారి చర్చనీయాంశంగా మారింది. తన కుమార్తె వివాహ యలహంక ప్యాలెస్‌లో నిర్వహించేందుకు షర్మిల ఆసక్తి చూపేందుకు, అందుకు అనుమతి లభించిన ఆమె మరో వివాహ వేదికను సిద్ధం చేసుకున్నట్లు తెలుస్తోంది. అయితే పెళ్లి పనుల్లో భాగంగా మూడు రోజుల ముందుగానే బెంగళూరులోని యలహంక ఇంటికి వెళ్లేందుకు షర్మిల సిద్ధమయ్యారని సమాచారం.

అయితే షర్మిల రాకను అడ్డుకునేందుకు జగన్ దేవనహల్లి సివిల్ కోర్టును ఆశ్రయించినట్లు ప్రచారం జరుగుతోంది. యలహంకలెస్ ప్యాలోకి షర్మిల న్యాయపరమైన చర్యలు తీసుకోవడం ఇప్పుడు రాజకీయ, కుటుంబ వర్గాల్లో చర్చకు దారితీసింది.

ఇక్కడే అసలు ప్రశ్న మొదలవుతోంది. పెళ్లి వేదికను మార్చుకున్న తర్వాత కూడా ఈ వివాదానికి ముగింపు ఎందుకు లభించడం లేదు? కుటుంబంలో ఒక శుభకార్యం జరుగుతున్న సమయంలో ఇలాంటి పరిణామాలు చోటుచేసుకోవాల్సిన అవసరం ఏమొచ్చింది?

ఆస్తుల వివాదమా? ఆత్మగౌరవ పోరాటమా?

యలహంక ప్యాలెస్ వివాదాన్ని కేవలం ఆస్తుల గొడవగా మాత్రమే చూడలేని పరిస్థితి ఏర్పడింది. ఎందుకంటే ఇందులో ఆస్తి హక్కులతో పాటు కుటుంబ సంబంధాలు, ఆత్మగౌరవం, అన్నాచెల్లెళ్ల మధ్య చాలా దూరం కూడా ముడిపడి ఉన్నాయి.

షర్మిల కోణంలో చూస్తే ఇది కేవలం ఒక ఇంట్లోకి వెళ్లే అంశం మాత్రమే కాదు. తన కుటుంబానికి సంబంధించిన ఇంటిలో తనకు చోటు లేకుండా పోయిందనే భావన కూడా ఈ వివాదంలో ఏర్పడింది. మరోవైపు జగన్ ఆస్తికి సంబంధించిన హక్కులు, న్యాయపరమైన అంశాల ఆధారంగా తన వైఖరిని సమర్థించుకోవచ్చు.

అయితే న్యాయపరమైన హక్కులు ఒక ఎత్తయితే.. కుటుంబ సంబంధాలు మరో ఎత్తు. ముఖ్యంగా మేనకోడలి పెళ్లి వంటి వివాదం మరింత పెద్దదిగా మారడం వైఎస్ కుటుంబంలో విభేదాల తీవ్రతను బయటపెడుతోంది.

ఆరునూరైనా ఇంట్లో అడుగుపెడతానంటున్న షర్మిల!

ఈ నేపథ్యంలో షర్మిల మాత్రం వెనక్కి తగ్గేలా కనిపించడం లేదనే చర్చ సాగుతోంది. వివాహ వేదికను మార్చుకున్నప్పటికీ యలహంక ఇంటికి వెళ్లాలంటే పట్టుదలతో ఉన్నట్లు ఆమె సూచిస్తోంది. తన హక్కుల విషయంలో రాజీపడే ప్రసక్తే లేదన్న సంకేతాలను ఇస్తున్నట్లు రాజకీయ వర్గాలు విశ్లేషిస్తున్నాయి.

ఇది ఆమెకు కేవలం ఒక ఇంటి వ్యవహారం కాదు. తన తండ్రి వైఎస్ రాజశేఖరరెడ్డి కుటుంబానికి సంబంధించినవి, జ్ఞాపకాలు, తనకున్న హక్కులకు సంబంధించిన అంశంగా అనుబంధం ఏర్పడింది.

ఒకవైపు కుమార్తె పెళ్లి పనులు.. మరోవైపు కోర్టు వ్యవహారాలు. ఒక తల్లిగా తన కుమార్తె వివాహాన్ని ఆనందంగా జరుపుకునే సమయంలో ఇలాంటి పరిణామాలు ఎదురుకావడం ఎంతటి మానసిక వేదనకు కారణమవుతుందో ఊహించవచ్చు.

వైఎస్ కుటుంబంలో మిగిలేది ఏంటి?

ప్రత్యర్థులుగా ఉండటం రాజకీయాల్లో సహజం. ఆస్తుల విషయంలో విభేదాలు రావడం కూడా కొత్తేమీ కాదు. కానీ రక్తసంబంధాల మధ్య ఏర్పడే దూరం మాత్రం అంత సులభంగా తొలగిపోదు. ముఖ్యంగా తండ్రి వారసత్వంగా మిగిల్చిన కుటుంబంలోనే ఇలాంటి పరిస్థితులు నెలకొనడం అభిమానులను కలచివేస్తోంది.

ఒకప్పుడు వైఎస్ కుటుంబం అంటే ఐక్యతకు, ఆప్యాయతకు గుర్తుగా కనిపించేది. ఇప్పుడు అదే కుటుంబం ఆస్తుల వివాదాలు, రాజకీయ విభేదాలు, కోర్టు కేసులతో వార్తల్లో నిలుస్తోంది. అన్నాచెల్లెళ్ల మధ్య మాటలు లేని పరిస్థితి నుంచి న్యాయస్థానాల వరకు ఈ వివాదం ఎక్కడ ముగుస్తున్నది ఆసక్తికరంగా మారింది.

చివరగా ఒక్క ప్రశ్న మాత్రం మిగిలిపోతోంది. ఆస్తుల విషయంలో ఎవరి వాదన సరైనదో కోర్టులు నిర్ణయిస్తాయి. చట్టబద్ధమైన హక్కులు ఎవరికి ఉన్నాయో న్యాయస్థానాలు తెలుస్తాయి. కానీ ఒక కుటుంబంలో కోల్పోయిన ఆప్యాయతను, దూరమైన అనుబంధాలను ఏ కోర్టు తిరిగి తీసుకురాగలదా?

మేనకోడలి పెళ్లి వేళ అన్నాచెల్లెళ్లు కలిసి నవ్వుకోవాల్సిన చోట న్యాయపోరాటాలు కనిపించడం వైఎస్ కుటుంబంలో నెలకొన్న విషాదకర పరిస్థితికి అద్దం పడుతోంది. చివరకు ఈ వివాదం ఎటు వెళ్లినా.. ఈ కుటుంబంలో మళ్లీ గతంలో అనుబంధాలు చిగురిస్తాయా? అన్నదే ఇప్పుడు అందరిలోనూ మెదులుతున్న ప్రశ్న.



You may also like

Leave a Comment

Andhra Wavesdelivers breaking news, insightful analysis, and in-depth features across a diverse range of topics including politics, economy, culture, technology, sports, and more. Whether you’re a resident of the region, a diaspora member, or simply interested in staying informed about the dynamic developments in Andhra Pradesh and Telangana, 

Edtior's Picks

Latest Articles

All Right Reserved. Designed and Developed by Voice Bird