యంగ్ హీరో విశ్వక్ సేన్ డైరెక్ట్ చేసి, హీరోగా నటించిన థ్రిల్లర్ సినిమా ‘#కల్ట్’ థియేటర్లలో విడుదలైన కేవలం 20 రోజులకే డిజిటల్ తెరపైకి వచ్చేసింది. అక్టోబర్ 30 న ప్రేక్షకుల ముందుకు వచ్చిన ఈ సినిమా, ఆశించిన స్థాయిలో బాక్సాఫీస్ వద్ద రాణించలేకపోయింది. ఇప్పుడు ఎలాంటి ముందస్తు హడావుడి లేకుండా అమెజాన్ ప్రైమ్ వీడియో వేదికగా తెలుగుతో పాటు హిందీ, తమిళ భాషల్లో స్ట్రీమింగ్ అవుతోంది.
కథ ఏంటంటే..
గోవా నేపథ్యంలో సాగే ఈ కథలో హోంమంత్రి కుమారుడు ఎల్విన్ (తారక్ పొన్నప్ప) తన పుట్టినరోజు వేడుకల కోసం ‘#కల్ట్’ అనే పబ్ను ప్రత్యేకంగా బుక్ చేసుకుంటాడు. ఈ పార్టీకి హైదరాబాద్ నుంచి ముగ్గురు యువకులు హాజరవుతారు. పార్టీ సరదాగా సాగుతున్న సమయంలో అకస్మాత్తుగా పరిస్థితులు భయానకంగా మారతాయి.
పబ్ లోపలి తెరపై కనిపించే ఓ బొమ్మ వింత ఆటలు ఆడిస్తూ, అందులో ఓడిపోయిన వారిని నిర్దాక్షిణ్యంగా చంపడం ప్రారంభిస్తుంది. అసలు ఈ ప్రాణాంతక ఆట వెనుక ఉన్నదెవరు? అదే పబ్లో ఉన్న డీఎస్పీ సంకల్ప్ నాయక్ (విశ్వక్ సేన్) పాత్ర ఏమిటి? చివరకు వీరాలతో బయటపడ్డారా లేదా అన్నంతా ప్రాణాలతో మిగిలిన కథ. థియేటర్లలో నిరాశపరిచిన ఈ సినిమా ఓటీటీ ప్రేక్షకులను ఏ మేరకు మెప్పిస్తుందో చూడాలి.
The post 20 రోజుల్లోనే ఓటీటీలోకి.. appeared first on iDreamPost.
