భారత రాజకీయాల్లో తీవ్ర ప్రకంపనలు రేపుతూ లోక్‌సభలో ప్రతిపక్ష నాయకుడు రాహుల్ గాంధీ కేంద్ర ప్రభుత్వంపై, ప్రధాన మంత్రి నరేంద్ర మోదీపై మరోసారి తీవ్ర సంచలన ఆరోపణలు గుప్పించారు. సోషల్ మీడియా వేదికగా ఇన్‌స్టాగ్రామ్ ప్రత్యేక “ఆస్క్ మీ” సెషన్‌లో ఆయన మాట్లాడుతూ, తన మొబైల్ ఫోన్‌ను స్వయంగా ప్రధాని మోదీనే ట్యాప్ చేస్తున్నారని ఘాటుగా వ్యాఖ్యానించారు.
తన ఫోన్ నిరంతరం నిఘా నీడలో ఉందని, తాను చేస్తున్న ప్రతి ఆరోపణకు సంబంధించిన పక్కా ఆధారాలు, డిజిటల్ సాక్ష్యాలు అన్నీ తన దగ్గర ఉన్న ఈ మొబైల్ ఫోన్‌లోనే భద్రంగా ఉన్నాయని రాహుల్ గాంధీ చెప్పారు. ప్రధాని మోదీకి కూడా ఈ విషయాలన్నీ క్షుణ్ణంగా తెలుసు, ఎందుకంటే ఆ ట్యాపింగ్ వ్యవహారం ఆయన కనుసన్నల్లోనే జరుగుతోందని ఆయన ఆరోపణలను మరింత పెంచారు.
ఇదే సమయంలో ప్రధాని నరేంద్ర మోదీకి రాహుల్ గాంధీ మరోసారి బహిరంగ చర్చకు సవాల్ విసిరారు. దేశ ప్రయోజనాలు, విదేశీ శక్తుల జోక్యం, జాతీయ భద్రతా ఆర్థిక వ్యవస్థపై ఎక్కడైనా, ఎప్పుడైనా ముఖాముఖి చర్చకు సిద్ధంగా ఉండాలని ఆయన సవాల్ చేశారు. ప్రధాని మోదీ తనకు భయపడి పారిపోతున్నారని, ఒకసారి ఆయన చర్చకు వస్తే దేశద్రోహులు ఎవరూ, విదేశీ శక్తుల కనుసన్నల్లో నడుస్తున్నదెవరు, దేశం వెనుక అసలు నిజాలు ఏమిటనే విషయాలన్నీ బయటపడతాయని రాహుల్ ప్రకటించారు.
ఇది కూడా చదవండి: సజ్జనార్ యూనిఫామ్‌లో ఉన్న క్రిమినల్..సీబీఐ మాజీ డైరెక్టర్ సంచలన వ్యాఖ్యలు.!
గతంలో కూడా పెగాసస్ (పెగాసస్) వంటి స్పైవేర్ ద్వారా తనతో పాటు దేశంలో అనేక మంది ప్రతిపక్ష రాజకీయ నాయకుల ఫోన్‌లు ట్యాప్ అయ్యాయని రాహుల్ గాంధీ చేసిన వ్యాఖ్యలు దేశవ్యాప్తంగా సంచలనం సృష్టించిన విషయం తెలిసిందే. ఈ పరిణామాల నేపథ్యంలో అధికార భారతీయ జనతా పార్టీ (BJP) మరియు ఎన్డీయే పార్టీలు రాహుల్ గాంధీ ఆరోపణలను తీవ్రంగా ఖండించాయి.
.webp)
రాహుల్ కేవలం పబ్లిసిటీ కోసం, నిత్యం వార్తల్లో నిలవడం కోసమే నిరాధారమైన గాంధీ ఆరోపణలు వినిపిస్తున్నాయి అధికార పార్టీ నేతలు. పార్లమెంట్ వేదికగా ఏ అంశంపై అయినా చర్చించడానికి ప్రభుత్వం సిద్ధంగా ఉందని, కానీ పార్లమెంట్ సమావేశాలు జరిగే చర్చల్లో పాల్గొనకుండా ఇలా బయట విమర్శలు చేయడం సరికాదని నేతలు కౌంటర్ ఇచ్చారు. ఏది ఏమైనప్పటికీ, ఫోన్ ట్యాపింగ్ ఆరోపణలు బహిరంగ చర్చ సవాల్ అంశం ప్రస్తుతం జాతీయ రాజకీయాల్లో అత్యంత వేడెక్కిన చర్చనీయాంశంగా మారింది.
మీకు నచ్చవచ్చు: ఆంధ్రప్రదేశ్ అభివృద్ధికి గేట్ వే భోగాపురం ఎయిర్‌పోర్ట్ : లోకేష్
మీకు నచ్చవచ్చు: ఇంటికో పారిశ్రామికవేత్త ఏపీ లక్ష్యం: మంత్రి లోకేష్
[ Rahul Gandhi, Phone Tapping, PM Narendra Modi, Congress Party, National News, Political Controversy ]
