
ఆంధ్రప్రదేశ్ ప్రభుత్వ ఉద్యోగులు ఎంతగానో 12వ వేతన సవరణ కమిషన్ (పీఆర్సీ) ప్రక్రియలో కీలక ముందడుగు పడింది. ఉద్యోగుల వేతనాల సవరణకు సంబంధించి అనుసరించాల్సిన విధివిధానాలతో చంద్రబాబు సర్కార్ మార్గదర్శకాలను విడుదల చేసింది. ఈ మార్గదర్శకాలపై ఉద్యోగ సంఘాలు,ప్రతినిధులు, సంబంధిత వర్గాలు తమ సూచనలు, సలహాలు, అభ్యంతరాలను రాతపూర్వకంగా తెలియజేయడానికి వచ్చే నెల 31 వరకు గడువు విధించింది.
ఈ నిర్ణీత గడువులోగా వివిధ ఉద్యోగ సంఘాల నుంచి అందే అభిప్రాయాలను పీఆర్సీ పరిశీలించి, తుది నివేదికను ప్రభుత్వానికి సమర్పిస్తుంది. అయితే యూజీసీ, ఎన్సీటీఈ, బార్ కౌన్సిల్ పరిధిలోని ప్రభుత్వ, ఏయిడెడ్ కళాశాలల అధ్యాపక వర్గాలతో పాటు జాతీయ న్యాయ వేతన సంఘం పరిధిలోని న్యాయాధికారులకు ఈ పీఆర్సీ వర్తించదు. ఈ అధ్యయనం ప్రభుత్వం మార్గదర్శకాలలో విస్సష్టంగా గుర్తించబడింది.
ప్రస్తుతం విడుదల చేసిన గైడ్ లైన్స్ ప్రకారం, రాష్ట్ర ప్రభుత్వ శాఖల్లో పనిచేస్తున్న రెగ్యులర్ ఉద్యోగులు, స్థానిక సంస్థల సిబ్బంది, ఎయిడెడ్ విద్యాసంస్థలు అలాగే విశ్వవిద్యాలయాల బోధనేతర ఉద్యోగులు, శాశ్వత ప్రాతిపదికన ఉన్న కంటింజెంట్ సిబ్బంది జీతభత్యాలపై మాత్రమే పీఆర్సీని పరిశీలిస్తున్నారు. ముఖ్యంగా ప్రస్తుతం అమల్లో ఉన్న డీఏను మూలవేతనంలో ఏ ప్రాతిపదికన విలీనం చేయాలి, నూతన పే స్కేట్ల రూపకల్పన ఏ విధంగా ఉండాలనే దానిపై పీఆర్సీ దృష్టి పెడుతుంది.

అదే విధంగా, ఉద్యోగుల సర్వీస్ నిబంధనల్లో ఆటోమెటిక్ అడ్వాన్స్లు స్కీమ్ అమలులో తలెత్తుతున్న సమస్యలను సమీక్షించి, దానిని మరింత నియంత్రిస్తూ తగిన మార్పులు చేయవలసి ఉంటుంది.
ఇది కూడా చదవండి: ఏపీ ఉద్యోగులకు గుడ్ న్యూస్
వీటితో పాటు స్పెషల్ పే, అలవెన్సులు, పెన్షనర్లకు వర్తించే ప్రస్తుత పింఛను కూడా పీఆర్సీని పరిశీలిస్తోంది. ఉద్యోగ పోస్టులను గ్రేడెడ్ విధానంలోకి మార్చడం, కాంట్రాక్ట్, డిప్యుటేషన్ నిబంధనల ఆధారంగా వివిధ శాఖలవారిగా మానవ వనరుల అవసరాలపై కూడా పీఆర్సీ దృష్టి సారిస్తుంది.

ఉద్యోగ సంఘాలు, సిబ్బంది నుంచి డిసెంబర్ 31లోగా వచ్చే విజ్ఞప్తులను తీసుకునేటప్పుడు రాష్ట్ర ఆర్థిక పరిస్థితిని కూడా దృష్టిలో ఉంచుకోవాలని ప్రభుత్వం కమిషన్కు సూచించింది. రాబోయే కాలంలో ఉద్యోగుల సంక్షేమానికి, రాష్ట్ర ఆర్థిక స్థిరత్వానికి మధ్య సరిపడేలా పీఆర్సీ నిబంధనలు ఉండాలని ప్రభుత్వం కోరింది. దరఖాస్తులో ఉద్యోగ సంఘాలు తమ ప్రతిపాదనలను సమర్పించాలని అధికారులు నిర్ణయించారు.
మీకు నచ్చవచ్చు: మెగా డీఎస్సీపై పిల్.. ఏపీ హైకోర్టు ఏమందంటే?
మెగా డీఎస్సీపై వైసీపీ పోరుకు కోర్టు తీర్పు ఎండ్ కార్డ్.!
[AP12thPRC, AndhraPradesh, Government, PRCguidelines, TeluguOne]
