జ్ఞానేష్ కుమార్: కాంగ్రెస్ పార్టీ అగ్రనేత.. పార్లమెంట్ ప్రతిపక్ష నాయకుడు రాహుల్ గాంధీకి సుప్రీంకోర్టులో ఊహించని పరిణామం ఎదురైంది. సుప్రీంకోర్టు వరకు ప్రతిపక్ష నేతలు నిర్వహించిన నిరసన మార్చ్ పై విచారణ సందర్భంగా సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ కీలక వ్యాఖ్యలు చేశారు. న్యాయవ్యవస్థను ఎవరూ బెదిరించలేరని స్పష్టం చేశారు. కోర్టు బయట ఏం మాట్లాడుతున్నారు.. లోపలికి వచ్చిన తర్వాత ఏం చెప్తున్నారు అనే విషయాలు మాకు తెలుసు. ఈ వ్యవహారానికి సంబంధించి పార్లమెంట్ లో ప్రధాన ప్రతిపక్ష నాయకుడితో సహా పలువురు నాయకులకు నోటీసులు జారీ చేసింది సుప్రీంకోర్టు. ఇది కాస్త రాజకీయంగా చర్చనీయాంశంగా మారింది..
అసలు వివాదం ఏంటి
ఓటర్ల జాబితా ప్రత్యేక సమగ్ర సవరణ (SIR) ప్రక్రియలో అక్రమాలు జరుగుతున్నాయంటూ ప్రతిపక్ష పార్టీలు ఆరోపిస్తున్నాయి. ఈ వ్యవహారంపై ఎన్నికల సంఘం తీరును ప్రశ్నిస్తూ, చీఫ్ ఎలక్షన్ కమిషనర్ జ్ఞానేష్ కుమార్ రాజీనామా చేయాలని డిమాండ్ చేస్తూ అక్టోబర్ 12న ఢిల్లీలో ప్రతిపక్ష నేతలు నిరసన వ్యక్తం చేశారు. ఈ సుప్రీంకోర్టు వరకు మార్చబడింది. ఈ నిరసనలు కాంగ్రెస్ పార్టీ అగ్ర నాయకుడు రాహుల్ గాంధీతో పాటు ఇండియా కూటమికి సంబంధించిన పలురు నాయకులు ఉన్నారు. ఎన్నికల సంఘం వ్యవహార శైలిపై తమ అభ్యంతరాలను వ్యక్తం చేయడమే ఈ నిరసన ప్రధాన ఉద్దేశం. అయితే, న్యాస్థానం ప్రాంగణం సమీపంలో రాజకీయ నిరసనలు నిర్వహించడం.. వాటి వల్ల ఏర్పడే పరిణామాలపై ఇప్పుడు న్యాయపరమైన చర్చ మొదలైంది.
ఎవరూ బెదిరించలేరు
సుప్రీంకోర్టులో గురువారం ఈ వ్యవహారానికి సంబంధించిన పిటిషన్లపై విచారణ మొదలైంది. ఈ సందర్భంగా భారత ప్రధాన న్యాయమూర్తి జస్టిస్ సూర్యకాంత్ కీలక వ్యాఖ్యలు చేశారు. న్యాయస్థానాన్ని ఎవరూ భయపెట్టలేరని.. బెదిరింపులతో న్యాయ వ్యవస్థపై ఒత్తిడి తీసుకురావడం సాధ్యం కాదని స్పష్టం చేశారు. కోర్టు బయట ఒక మాట్లాడి.. న్యాయస్థానంలోకి వచ్చిన తర్వాత మరొక విధంగా వ్యవహరించిన అంశాలు తమ దృష్టికి వస్తున్నాయని పేర్కొన్నారు. తమకు దూరంగా లేమని.. బయట జరుగుతున్న పరిణామాలపై కూడా తమకు అవగాహన లేదని వాస్తవం. ఈ వ్యాఖ్యలు రాజకీయ వర్గాల్లో ప్రాధాన్యత సంతరించుకున్నాయి.
రాహుల్ గాంధీతో సహా పలువురికి నోటీసులు
సుప్రీంకోర్టు ప్రాంగణం.. దాని పరిసర ప్రాంతాల రాజకీయ నిరసనలను నియంత్రించేందుకు మార్గదర్శకాలను రూపొందించాలని కోరుతూ దాఖలైన పిటిషన్‌పై విచారణ సందర్భంగా కోర్టు నోటీసులు జారీ చేసింది. నిరసనలకు పిలుపునిచ్చిన నాయకుల బాధ్యతలను నిర్ణయించాలని కూడా ఆ పిటిషన్‌లో ఉంది. ఈ వ్యవహారంలో రాహుల్ గాంధీ తో పాటు కాంగ్రెస్ పార్టీ అగ్ర నాయకుడు మల్లికార్జున కార్గే.. అఖిలేష్ యాదవ్.. ఇతర నాయకుల పేర్లు ప్రస్తావనకు వచ్చాయి. నిరసన సందర్భంగా జరిగిన పరిణామాలకు సంబంధించి సీసీటీవీ దృశ్యాలను భద్రపరచాలని కూడా కోర్టు సూచించినట్లు తెలుస్తోంది.
ఇక ఇదే సమయంలో ఓటర్ల జాబితాల ప్రత్యేక సమగ్ర సవరణకు సంబంధించి ప్రతిపక్ష నాయకులు దాఖలు చేసిన పిటిషన్లు కూడా విచారణకు వచ్చాయి. ఈ వ్యవహారంలో ఎన్నికల సంఘం, ప్రధాన ఎన్నికల కమిషనర్‌తో పాటు ఇతర ఎన్నికల కమిషనర్లకు నోటీసులు జారీ చేయబడ్డాయి. దీంతో ఒకవైపు ఎన్నికల జాబితాలపై ప్రతిపక్షాల అభ్యంతరాలు, మరోవైపు సుప్రీంకోర్టు వరకు నిర్వహించిన నిరసనపై న్యాయపరమైన ప్రశ్నలు చర్చకు వస్తున్నాయి.
తదుపరి జరిగే పరిణామాలు ఏంటి
సుప్రీంకోర్టు వ్యాఖ్యలు.. నోటీసుల నేపథ్యంలో ఈ వ్యవహారం రాజకీయంగా మరింత ప్రాధాన్యత సంతరించుకుంది. అయితే తుది తీర్పు వెలువడే వరకు అన్ని పక్షాల వాదనలను పరిగణలోకి తీసుకుంటామని ఇప్పటికే చెప్పేసింది. ఎన్నికల జాబితాలపై ప్రతిపక్షాలు లేవనెత్తిన ప్రశ్నలకు ఎన్నికల సంఘం ఇచ్చే సమాధానాలతో పాటు, కోర్టు ప్రాంగణం వద్ద నిరసనలకు సంబంధించిన పిటిషన్లపై సుప్రీంకోర్టు తీసుకునే తదుపరి నిర్ణయాలు కీలకంగా మారబోతున్నాయి.
మొత్తానికి ఓటర్ల జాబితాల వివాదంతో మొదలైన రాజకీయ పోరు ఇప్పుడు న్యాయస్థానం ప్రాంగణంలో నిరసనల నిర్వహణ, న్యాయవ్యవస్థ స్వతంత్రత వంటి అంశాల చుట్టూ తిరుగుతోంది. ఈ కేసులో తదుపరి విచారణలో ఎలాంటి మలుపులు తీసుకుంటాయో చూడాల్సి ఉంది.
