అక్కినేని నాగార్జున కెరీర్‌లో ప్రతిష్టాత్మకంగా తెరకెక్కుతున్న 100వ సినిమా ‘కింగ్ 100’. ఇప్పటికే టబు ఫస్ట్ లుక్‌తో ఆసక్తి పెంచిన చిత్రబృందం.. ఇప్పుడు మరో కీలక పాత్రను పరిచయం చేసింది. నటుడు అశోక్ సెల్వన్ ఈ సినిమాలో నటిస్తున్నట్లు అధికారికంగా ప్రకటించారు. ఆయన పుట్టినరోజు సందర్భంగా ‘కర్ణ’ పాత్రకు సంబంధించిన ఫస్ట్ లుక్‌ను విడుదల చేసింది.
‘కింగ్ 100’ నుంచి అశోక్ సెల్వన్ ఫస్ట్ లుక్ విడుదలైంది. ఇందులో ఆయన ఓ జైలు ముందు కుర్చీలో కూర్చొని ఇంటెన్స్ లుక్‌లో కనిపిస్తున్నారు. పక్కనే పోలీస్ యూనిఫాం ఉండటంతో ఆయన పోలీస్ ఆఫీసర్ పాత్రలో కనిపించబోతున్నట్లు అర్థమవుతోంది. ‘నో రూల్స్.. నో లిమిట్స్’ అంటూ కర్ణ పాత్రను పరిచయం చేస్తూ మేకర్స్ ఇచ్చిన క్యాప్షన్ కూడా క్యూరియాసిటీ పెంచుతోంది.
అయితే ఈ సినిమాలో అశోక్ సెల్వన్ నెగెటివ్ షేడ్స్ ఉన్న పోలీస్ ఆఫీసర్‌గా, నాగార్జునకు ప్రధాన ప్రత్యర్థిగా కనిపించనున్నారనే ప్రచారం. ఈ విషయంపై చిత్రబృందం ఇంకా పూర్తి క్లారిటీ ఇవ్వలేదు. కానీ కర్ణ పాత్రకు కథలో చాలా ప్రాధాన్యత ఉండబోతున్నట్లు చూస్తుంటే ఫస్ట్ లుక్.
తమిళంలో ‘సూదు కవ్వుమ్’, ‘పిజ్జా 2: విల్లా’, ‘తెగిడి’, ‘ఓ మై కడవులే’, ‘పోర్ తొళిల్’ వంటి సినిమాలతో అశోక్ సెల్వన్ మంచి గుర్తింపు తెచ్చుకున్నారు. విభిన్నమైన పాత్రలు ఎంచుకుంటూ తనకంటూ ప్రత్యేకమైన ఇమేజ్ సంపాదించుకున్నారు. ఇప్పుడు నాగార్జున వందో సినిమాలో కీలక పాత్ర దక్కించుకోవడం విశేషం.
దర్శకుడు రా. కార్తీక్‌తో అశోక్ సెల్వన్‌కు ఇది రెండో సినిమా. గతంలో వీరిద్దరి కాంబినేషన్‌లో ‘నితమ్ ఒరు వానం’ ప్రదర్శించబడింది. ఇప్పుడు ‘కింగ్ 100’ కోసం మరోసారి కలిసి పనిచేస్తున్నారు.
ఇక ఈ సినిమాలో మరో ప్రత్యేక ఆకర్షణ నాగార్జున, టబు కలయిక. దాదాపు 28 ఏళ్ల తర్వాత వీరిద్దరూ కలిసి నటిస్తున్నారు. ఇందులో టబు ‘మహంతి ఝాన్సీ రాణి’ అనే పవర్‌ఫుల్ పాత్రలో కనిపించనుంది. ఇటీవల విడుదలైన ఆమె గ్లింప్స్ కూడా సినిమాపై అంచనాలను పెంచింది.
ఐశ్వర్య రాజేష్, సుస్మితా భట్ కీలక పాత్రల్లో నటిస్తున్నారు. రా. కార్తీక్ దర్శకత్వం వహిస్తున్న ఈ అన్నపూర్ణ స్టూడియోస్ నిర్మిస్తోంది. దేవిశ్రీ ప్రసాద్ సంగీతం అందించారు.
[King 100 Movie, Ashok Selvan As Karna, Akkineni Nagarjuna, Ra Karthik, Ashok Selvan, Nagarjuna, Tabu, Telugu Film News]
