‘మాంగళ్యం’, ‘పరాక్రమం’, ‘నిర్భంధం’ వంటి చిత్రాలతో తనలోని విలక్షణ నటుడ్ని అందరికీ పరిచయం చేసుకున్నాడు సరోజ్ కుమార్. ఆయన నటన, మేకింగ్, టేకింగ్ అంటే ఓ వర్గానికి చెందిన ప్రేక్షకులకు ఎంతో ఇష్టం.
ప్రస్తుతం సరోజ్ మరో వినూత్న కాన్సెప్ట్‌తో ఆడియన్స్‌ని ఆకట్టుకునేందుకు సిద్ధంగా ఉన్నారు. సరోజ్ ప్రధాన పాత్రలో రానున్న నూతన చిత్రం ‘ఛప్రి’. ఈ మూవీకి స్టోరీ, స్క్రీన్ ప్లే, డైలాగ్స్, లిరిక్స్, ఎడిటింగ్, మ్యూజిక్, దర్శకత్వం ఇలా అన్ని బాధ్యతలను సరోజ్ నిర్వర్తించారు.
BSK మెయిన్ స్ట్రీమ్ బ్యానర్ మీద సరోజ్, ప్రమోద్ పడమటి, పృథ్వీ చౌహాన్ నిర్మించిన ఈ సినిమాలో సరోజ్‌తో పాటుగా ఐశ్వర్య బోరా, దివ్య జ్యోతి, శ్లోక, ప్రవీన్, మోహన్ ఆర్య, జీవా బాలచందర్, ప్రియాంక సింగ్ కీలక పాత్రలను పోషించారు.
స్లామ్‌లో ఉండే ఓ కుర్రాడు.. అతడి ప్రేమ ప్రయాణం.. ఆ జర్నీలో కొంత మంది డబ్బున్న అతని జీవితం తలకిందులు అవ్వడం అనే ఆసక్తికరమైన పాయింట్‌లతో ‘ఛప్రి’ మూవీని తెరకెక్కించారు. ప్రేమ చుట్టూ తిరిగే ఈ కథలో చివరకు ఏం జరుగుతుంది? అనేది ఇంట్రెస్టింగ్‌గా ఉంటుంది. అతని ప్రేమలో విజయం సాధిస్తాడా? లేదా? అన్నది ‘ఛప్రి’ మూల కథ.
ఇది కూడా చదవండి: హీరోయిన్‌గా కేజీఎఫ్‌ మదర్.. ఎమోషన్ నుంచి రొమాన్స్‌కి షిఫ్ట్.!
ఇక ఈ సినిమాకి సంబంధించిన ఫస్ట్ లుక్ పోస్టర్‌ని తాజాగా విడుదల చేశారు. ‘ఛప్రి’ ఫస్ట్ లుక్‌లో సరోజ్ చాలా కొత్తగా కనిపిస్తున్నారు. స్లమ్ కుర్రాడిలా రా అండ్ స్టిక్‌గా కనిపిస్తున్నారు. ఈ పోస్టర్‌ని గమనిస్తుంటే ఫుల్ యాక్షన్ మోడ్‌లో హీరో కనిపిస్తున్నారు.
తన మార్క్ రా స్టోరీలతో అలరించే సరోజ్ కుమార్.. ‘ఛప్రి’తో ఎలాంటి మ్యాజిక్ చేస్తారో చూడాలి.
మీకు నచ్చవచ్చు:
మహాకాళి ‘అయిగిరి నందిని’ సాంగ్.. ఎనిమిది నిమిషాలు పూనకాలే.!
బాలయ్య ‘దాదా’ వాయిదా.. క్లారిటీ ఇచ్చిన మూవీ టీం.!
[Chapri Movie First Look, Bandi Saroj Kumar, Chapri Movie, Chapri First Look, Mangalyaṁ, Parakramam, Nirbandham, Telugu Movies, Telugu Film News]
