నందన్ నీలేకనితో సీఎం చంద్రబాబు భేటీ.. జాతీయ పరీక్షలపై కీలక చర్చ.! | సీఎం చంద్రబాబు నాయుడు | నందన్ నీలేకని | నారా లోకేష్ | జాతీయ పరీక్ష సంస్కరణలు | పరీక్షా సంస్కరణల టాస్క్ ఫోర్స్ | విద్యా సంస్కరణలు భారతదేశం | జాతీయ పరీక్షా విధానం | విద్యార్థి మూల్యాంకన సంస్కరణలు | విద్యార్థులకు సమాన అవకాశాలు | పేపర్ లీక్ నివారణ | పరీక్షల్లో సైబర్ సెక్యూరిటీ | డిజిటల్ ఫోరెన్సిక్స్ | ఆంధ్రప్రదేశ్ విద్య | డేటా లేక్ – Andhra Waves

విభిన్న రాష్ట్రాలు, భారతదేశంలోని భాషలు అందరినీ కలుపుకొని వెళ్లేలా జాతీయ పరీక్ష సంస్కరణలు చేపట్టాలని ముఖ్యమంత్రి చంద్రబాబు నాయుడు సూచించారు. అన్ని రాష్ట్రాల అభిప్రాయాలను తీసుకుని, ఏకాభిప్రాయంతో పారదర్శకమైన, విశ్వసనీయమైన జాతీయ పరీక్షా విధానాన్ని రూపొందించాలని అన్నారు. దేశంలో ఏ స్థానంలో ఉన్న విద్యార్థికైనా, ఏ భాష మాట్లాడే విద్యార్థికైనా సమాన అవకాశాలు, న్యాయం జరిగే సంస్కరణలు ఉండాలని స్పష్టం చేశారు. బుధవారం రాష్ట్ర సచివాలయంలో ఎగ్జామినేషన్ రిఫార్మ్స్ హై పవర్ టాస్క్ ఫోర్స్ చైర్మన్ నందన్ నీలేకని టాస్క్ ఫోర్స్ సభ్యులు ముఖ్యమంత్రితో సమావేశమయ్యారు. సచివాలయానికి వచ్చిన నందన్ నీలేకనికి మంత్రి నారా లోకేష్ స్వాగతం పలికారు. ఈ సందర్భంగా జరిగిన భేటీలో జాతీయ పరీక్షా విధానంపై టాస్క్ ఫోర్స్ కు సీఎం చంద్రబాబు సూచనలు చేశారు.

నేటి తరం విద్యార్థులు, యువత ఆలోచనలు, ఆకాంక్షలకు అనుగుణంగా పరీక్షల విధానం ఉండాలని ముఖ్యమంత్రి చెప్పారు. కేవలం పరీక్షలు, మార్కులకే పరిమితం కాకుండా విద్యార్థుల్లో నైపుణ్యాలు, సృజనాత్మకత, ఆలోచనల సామర్థ్యం పెంపొందించేలా తీర్చిదిద్దాలని అభిప్రాయపడ్డారు. ఈ సమావేశంలో పాల్గొన్న లోకేష్ ఆంధ్రప్రదేశ్‌లో అమలవుతున్న విధానాలు, సాంకేతికత వినియోగాన్ని వివరించారు. అలాగే దేశవ్యాప్తంగా పరీక్షల విధానంలో తీసుకురావాల్సిన సంస్కరణలపై తన ఆలోచనలను పంచుకున్నారు. విద్యార్థులపై ఒత్తిడి తగ్గేలా పరీక్షల రూపకల్పనను లోకేష్ సూచించారు. ఒక రాష్ట్రం నుంచి రాష్ట్రానికి వెళ్లి చదువుకోవాలన్నా, ఉద్యోగం చేయాలన్నా భాష, విద్యా విధానం, ధృవీకరణల పరంగా ఇబ్బందులు తలెత్తకుండా జాతీయ స్థాయిలో సమన్వయం ఉండాలని మరో గుర్తింపు ఉంది. రాష్ట్రంలో డేటా లేక్ ద్వారా వివిధ రంగాలకు సంబంధించిన అంశాలను సమీకరించి, నిర్ణయాలు తీసుకునే వ్యవస్థను అభివృద్ధి చేస్తున్నామని వివరించారు.

పరీక్షల విధానంలో సమూల మార్పుల దిశగా.!

పరీక్షల నిర్వహణలో పేపర్ లీకేజీలను అరికట్టడం, సాంకేతిక పరిజ్ఞానాన్ని సమర్థంగా వినియోగించడం, సైబర్ సెక్యూరిటీ సిస్టమ్‌లను పటిష్టం చేయడం, డిజిటల్ ఫోరెన్సిక్స్ విభాగాలను బలోపేతం చేయడం వంటి వాటిని తమ దృష్టికి సారించినట్లు టాస్క్ ఫోర్స్ ఛైర్మన్ నందన్ నీలేకని తెలిపారు. వివిధ రాష్ట్రాల్లో పర్యటిస్తున్నామని… ఆయా రాష్ట్రాల్లో అమలు చేస్తున్న విధానాలు, ఎదురవుతున్న సమస్యలు, సంస్కరణలపై అభిప్రాయాలను సేకరిస్తున్నట్టు చెప్పారు. ఏపీ అమలు చేస్తున్న విధానాలపై ఆసక్తి వ్యక్తం చేశారు.

[ CM Chandrababu Naidu, Nandan Nilekani, Nara Lokesh, National Examination Reforms, Examination Reforms Task Force, Education Reforms India, National Exam Policy, Student Assessment Reforms, Equal Opportunities for Students, Paper Leak Prevention, Cyber Security in Exams, Digital Forensics, Andhra Pradesh Education, Data Lake, BCCI Exam Reforms ]