వర్సటైల్ యాక్టర్ సత్యదేవ్ తన ప్రతి సినిమాలోనూ ఏదో ఒక వైవిధ్యాన్ని చూపిస్తూ ప్రత్యేకమైన గుర్తింపు తెచ్చుకున్నారు. ప్రస్తుతం ఆయన టాలీవుడ్లో సరికొత్త ట్రెండ్ సెట్ సిద్ధమవుతున్నారు. దర్శకుడు అజయ్ నాగ్ వి సారథ్యంలో సత్యదేవ్ నటిస్తున్న వినూత్న చిత్రం ‘సమవర్తి’. ఇండస్ట్రీలో ఎవరూ పెద్దగా టచ్ చేయని బ్యాక్డ్రాప్తో వస్తున్న ఈ సినిమాపై ఇండస్ట్రీ వర్గాల్లో గట్టి అంచనాలే ఉన్నాయి.
తాజాగా ఈ సినిమాకు సంబంధించిన ఒక క్రేజీ అప్డేట్ ప్రేక్షకుల ముందుకు వచ్చింది. ‘బీహైండ్ ద వుడ్స్’ పేరుతో మేకర్స్ విడుదల చేసిన బిహైండ్ ద సీన్స్ ప్రోమో ఇప్పుడు సోషల్ మీడియాలో విపరీతంగా హల్ చల్ చేస్తోంది. తెలుగు చిత్ర పరిశ్రమలోనే మొట్టమొదటిసారిగా సరికొత్త ‘ఎకోలాజికల్ యాక్షన్ థ్రిల్లర్’గా ఈ సినిమా రూపుదిద్దుతుండటం విశేషం. ప్రకృతి నేపథ్యంలో సాగే ఈ సర్వైవల్ కథలో సత్యదేవ్ రోల్ అత్యంత పవర్ ఫుల్గా ఉండబోతోందని ఈ ప్రోమో హింట్ ఇస్తోంది.
ఈ సినిమా విజువల్స్ చాలా నేచురల్గా రావాలనే ఉద్దేశ్యంతో చిత్ర యూనిట్ గ్రాఫిక్స్ పై కాకుండా రియలిస్టిక్ లొకేషన్స్ పైనే భారం వేసింది. అందుకోసం సౌత్ ఇండియాలోని అత్యంత దట్టమైన సుమారు 7 అడవులలో, ఇప్పటివరకు ఎవరూ వెళ్ళని దాదాపు 42 ప్రత్యేక ప్రదేశాలలో షూటింగ్ జరిపారు. వాతావరణ పరిస్థితులను తట్టుకుంటూ, ప్రాణాలకు తెగించి నటీనటులు, టెక్నీషియన్లు పడిన శ్రమ అంతా ఈ మేకింగ్ వీడియోలో స్పష్టంగా కనిపించింది.
తన విలక్షణమైన యాక్టింగ్తో అలరించే సత్యదేవ్ కెరీర్లో ఇదొక మైల్స్టోన్ మూవీగా నిలిచిపోతుందని ఫ్యాన్స్. ఈ చిత్రంలో దిలీప్ పోటన్, రాజీవ్ కనకాల, గనవి లక్ష్మణ్, రవీంద్ర విజయ్ వంటి సీనియర్ తారాగణం కీలక పాత్రలు పోషిస్తున్నారు. ఇదిలా ఉంటే, ప్రస్తుతం సత్యదేవ్ చేతిలో సూపర్ స్టార్ మహేష్ బాబు నిర్మాణంలో వస్తున్న ‘రావు బహదూర్’ లాంటి భారీ ప్రాజెక్ట్ కూడా ఉండటం విశేషం.
ప్రస్తుతం విడుదలైన ‘సమవర్తి’ ప్రోమోపై నెటిజన్లు, సినిమా లవర్స్ నుంచి సూపర్బ్ రెస్పాన్స్ వస్తోంది. ఒక అద్భుతమైన థియేట్రికల్ ఎక్స్పీరియన్స్ ఇచ్చేందుకే చిత్రబృందం ఇంత కష్టపడిందని కామెంట్స్ వినిపిస్తున్నాయి. తెలుగుతో పాటు తమిళం, కన్నడ, మలయాళ భాషల్లో పాన్ ఇండియా లెవెల్లో విడుదల కానున్న ఈ ఎకోలాజికల్ థ్రిల్లర్.. బాక్సాఫీస్ వద్ద ఎలాంటి వండర్స్ క్రియేట్ చేస్తుందో చూడాలి.
