ప్రముఖ అగ్ర నిర్మాత దిల్ రాజు(దిల్ రాజు)రీసెంట్ గా జరిగిన సమ్మర్ హాలీడేస్(సమ్మర్ హాలిడేస్)మూవీ టీజర్ లాంచ్ ఈవెంట్కి ముఖ్య అతిథిగా హాజరయ్యాడు. ఈ సందర్భంగా తన మాటల ద్వారా ప్రస్తుత సినీ పరిశ్రమ ఎదుర్కుంటున్న గడ్డు పరిస్థితులను వివరిస్తూ ఇండస్ట్రీ వర్గాల్లో ఒక పెద్ద చర్చకు తెరలేపారు.
ఆయన మాట్లాడటం గతంలో కంటే ఇప్పుడు థియేటర్లకి ప్రేక్షకులను తీసుకురావడం అనేది నిర్మాత, దర్శకులకి ఒక అతిపెద్ద సవాల్గా మారింది. కమర్షియల్ ఫార్ములాలు, రొటీన్ కథలతో వచ్చే చిత్రాలకు ప్రేక్షకులు ఇంతకు ముందులా స్పందించడం లేదు. అందుకే థియేటర్ల వైపు అడుగులు వేయడం తగ్గించారు.దీంతో తెలుగు చిత్ర పరిశ్రమ ప్రస్తుతం ఎవరూ ఊహించని విధంగా అత్యంత క్లిష్టపరిస్థితుల్లో ఉంది. ఈ నిజాన్ని బహిరంగంగా ఒప్పుకోవడానికి చాలా మంది వెనకాడుతుంటారు. కానీ నేను మాత్రం ఈ చేదు నిజాన్ని చెప్పడానికి అస్సలు భయపడను. ఇలాంటి క్లిష్ట సమయంలో చిత్ర పరిశ్రమ మళ్లీ గాడిన పెట్టే బాధ్యత కొత్త దర్శకులు, చిన్న చిత్రాలపైనే ఉంది.
కొత్త వాళ్లతో, వినూత్నమైన కాన్సెప్టులతో సినిమాలు చేసినప్పుడే చిత్ర పరిశ్రమకి కొత్త ఊపిరి అందుతుంది. ప్రస్తుతం ఇండస్ట్రీ మనుగడ సాగించాలన్నా, థియేటర్లు కలకలలాడాలన్నా వైవిధ్యమైన కంటెంట్ చాలా అవసరమని పేర్కొన్నారు. చిన్న సినిమాలు బాక్సాఫీస్ వద్ద ఎంత పెద్ద విజయాన్ని సాధిస్తే, తెలుగు సినీ పరిశ్రమ అంత ఆరోగ్యంగా, పటిష్టంగా ముందుకు సాగుతుంది ‘సమ్మర్ హాలీడేస్’ లాంటి వినత్న ప్రయత్నాలే ప్రేక్షకులను మళ్లీ థియేటర్లలో కూర్చోబెడతాయి.
అలాగే చదవండి: ప్రైమ్ వీడియోలో మిస్టరీ క్రైమ్ థ్రిల్లర్.. చీకటి పడితే తలుపులు క్లోజ్ చేసుకోవాల్సిందే
కొత్త దర్శకులు కేవలం స్టార్ హీరోల వెంటే పడకుండా, కథ బలాన్ని అద్భుతమైన చిత్రాలను రూపొందించాలని ఈ సందర్భంగా ఈ సందర్భంగా. ఆలోచనలతో వచ్చే యువ దర్శకులు తమ ప్రతిభతో పరిశ్రమని నిలబెట్టాల్సిన అవసరం ఎంతైనా ఉంది. చిన్న సినిమాల ద్వారానే చాలా మంది దర్శకులు ఇండస్ట్రీలో తమకంటూ ఒక ప్రత్యేక గుర్తింపు , మంచి పేరు తెచ్చుకుంటున్నారని గుర్తు చేశారు. ఇండస్ట్రీలో ఒడిదొడుకులు సహజమే అయినా, ప్రేక్షకుల అభిరుచులకు తగ్గట్టుగా మారకపోతే మనుగడ కష్టం. ఈ కష్టకాలాన్ని దాటడానికి చిన్న సినిమాలు, విభిన్నమైన కథాంశాలే ఏకైక మార్గమని చెప్పుకొచ్చాడు. దిల్ రాజు చేసిన ఈ వ్యాఖ్యలు ఇప్పుడు టాలీవుడ్ వ్యాప్తంగా తీవ్ర హాట్ టాపిక్ గా మారాయి. ఇండస్ట్రీ అసలు పరిస్థితి ఉన్నదున్నట్లుగా ధైర్యంగా మాట్లాడిన ఆయన నిజాయితీతో అభినందిస్తున్నారు.
