.WEBP)
‘కాంతార’ సినిమాతో పాన్ ఇండియా స్థాయిలో సంచలనం సృష్టించిన నటుడు రిషబ్ శెట్టి, తన విలక్షణమైన నటనతో తెలుగు ప్రేక్షకులకు కూడా బాగా దగ్గరయ్యారు. ప్రస్తుతం ఆయన హీరోగా నటించిన లేటెస్ట్ మూవీ ‘ఏ ఫిల్మ్ బై గిరి’ విడుదలకు సిద్ధమైంది. కన్నడలో ఘనవిజయం సాధించిన ఈ చిత్రం, ఇప్పుడు తెలుగు ప్రేక్షకుల ముందుకు వచ్చేందుకు ముహూర్తం ఖరారు చేసుకుంది. అన్ని హంగులు పూర్తి చేసుకున్న ఈ సినిమా మే 8వ తేదీన తెలుగు రాష్ట్రాల్లో గ్రాండ్ రిలీజ్.
ఈ చిత్రం కంప్లీట్ కామెడీ ఎంటర్టైనర్గా రూపొందించబడింది. రిషబ్ శెట్టి తనదైన శైలిలో ప్రేక్షకులను నవ్వుల్లో ముంచెత్తడానికి సిద్ధమయ్యారు. ఆయన సరసన అందాల భామ రచన ఇందర్ కథానాయికగా నటించింది. ఇప్పటికే విడుదలైన ప్రోమోలు, ప్రచార చిత్రాలు సినిమాపై మంచి అంచనాలను పెంచాయి. ముఖ్యంగా రిషబ్ శెట్టి కామెడీ టైమింగ్ ఈ చిత్రానికి ప్రధాన ఆకర్షణగా నిలవనుందని తెలుస్తోంది.
స్టార్ వుడ్ ఎంటర్టైన్మెంట్ మరియు రిషబ్ శెట్టి ఫిల్మ్స్ సంయుక్తంగా ఈ నిర్మించారు, అచ్చిబాబు ఎం. సమర్పణలో ఈ సినిమా ప్రేక్షకుల ముందుకు వస్తోంది. కరణ్ అనంత్ మరియు అనిరుధ్ మహేష్ ఈ చిత్రానికి దర్శకత్వం వహించారు. ఒక తరహా కథాంశంతో, ఆద్యంతం వినోదాత్మకంగా సాగేలా ఈ మలిచారని చిత్ర యూనిట్ ధీమా వ్యక్తం చేసింది. తెలుగు రాష్ట్రాల్లో ఎం.జి. మూవీస్ సంస్థ ఈ సినిమాను భారీ స్థాయిలో విడుదల చేస్తోంది.
రిషబ్ శెట్టి గత చిత్రాలను గమనిస్తే, ఆయన కేవలం సీరియస్ రోల్స్ మాత్రమే కాకుండా, కామెడీని కూడా అద్భుతంగా పండించగలరని నిరూపించుకున్నారు. ఈ ‘ఏ ఫిల్మ్ బై గిరి’ సినిమా ఆయన కెరీర్లో మరో వైవిధ్యమైన చిత్రంగా నిలుస్తుందని ఫ్యాన్స్ ఆశాభావం వ్యక్తం చేస్తున్నారు. చిత్రంలో ప్రమోద్ శెట్టి, హొన్నవల్లి కృష్ణ కీలక పాత్రలు పోషించారు. వాసుకి వైభవ్ అందించిన సంగీతం సినిమాకు మరో ప్లస్ పాయింట్.
