టాలెంటెడ్ నటులు సుహాస్, సూరి ప్రధాన పాత్రల్లో నటిస్తున్న తాజా చిత్రం ‘మండాడి’. విభిన్నమైన కథాంశాలతో ప్రేక్షకులను అలరిస్తున్న ఆర్ఎస్ ఇన్ఫోటైన్ బ్యానర్పై ఎల్రెడ్ కుమార్ సమర్పణలో ఈ భారీ ప్రాజెక్ట్ తెరకెక్కుతోంది. ఇప్పటికే విడుదలైన ఫస్ట్ లుక్ పోస్టర్లు, టైటిల్ అనౌన్స్మెంట్ ఈ సినిమాపై భారీ అంచనాలు పెరిగాయి. తాజాగా ఈ చిత్రానికి సంబంధించిన ఒక కీలక అప్డేట్ను చిత్ర బృందం పంచుకుంది.
మదిమారన్ పుగళేంది దర్శకత్వంలో రూపొందుతున్న ‘మండాడి’ చిత్ర షూటింగ్ విజయవంతంగా ముగిసింది. ఈ సినిమా అంతా తీరప్రాంతం మరియు మత్స్యకారుల నేపథ్యంలో సాగుతుంది. సహజత్వానికి పెద్దపీట వేస్తూ, ప్రతి సన్నివేశాన్ని రియలిస్టిక్ లొకేషన్లలో చిత్రీకరించినట్లు మేకర్స్. సముద్ర గర్భంలో సాగే ఉత్కంఠభరితమైన సెయిల్బోట్ రేస్ సన్నివేశాలు, ఒళ్లుగగుర్పొడిచే యాక్షన్ సీక్వెన్స్లు ఈ చిత్రానికి ప్రధాన ఆకర్షణగా నిలిచాయి. సుదీర్ఘమైన మరియు సవాలుతో కూడిన షెడ్యూల్స్ తర్వాత షూటింగ్ పనులకు ప్యాకప్ చెప్పారు.
ఈ సినిమాతో టాలీవుడ్ వెర్సటైల్ యాక్టర్ సుహాస్ పరిశ్రమలోకి (కోలీవుడ్) అడుగుపెడుతున్నారు. ఈ ప్రాజెక్ట్ కోసం సుహాస్ ఏకంగా 100 రోజుల కాల్ షీట్లను కేటాయించడం విశేషం. కథపై ఉన్న నమ్మకంతోనే ఆయన ఇంతవరకు ఉన్నట్లు ఉన్నట్లు తెలుస్తోంది. అలాగే, సూరి మరియు సుహాస్ ఇద్దరూ తమ పాత్రల కోసం శారీరకంగా చాలా కష్టపడ్డారు. వారి లుక్స్ మరియు బాడీ లాంగ్వేజ్ ఈ సినిమాలో సరికొత్తగా ఉండబోతున్నాయి.
ప్రస్తుతం చిత్ర బృందం ఎడిటింగ్, సౌండ్ డిజైన్ మరియు విజువల్ ఎఫెక్ట్స్ (VFX) వంటి పోస్ట్-ప్రొడక్షన్ పనుల్లో నిమగ్నమై ఉంది. క్వాలిటీ విషయంలో ఎక్కడా రాజీ పడకుండా, ప్రేక్షకులకు ఒక అద్భుతమైన సినిమాటిక్ ఎక్స్పీరియన్స్ టీం కష్టపడుతోంది. స్పోర్ట్స్ యాక్షన్ డ్రామాగా రాబోతున్న ‘మండాడి’ వెండితెరపై ఎలాంటి సంచలనం సృష్టిస్తుందో చూడాలి. త్వరలోనే సినిమా విడుదల తేదీ మరియు ట్రైలర్కు సంబంధించిన వివరాలను మేకర్స్ అధికారికంగా ప్రకటించనున్నారు.
మత్స్యకారుల జీవితాల వెనుక ఉన్న పోరాటాన్ని, క్రీడా నేపథ్యాన్ని జోడించి రూపొందించిన ‘మండాడి’ చిత్రం సుహాస్ కెరీర్లో మరో మైలురాయిగా నిలిచే అవకాశం ఉంది. సాంకేతికంగా బలంగా ఉన్న ఈ చిత్రం త్వరలోనే థియేటర్లలో ప్రేక్షకులను పలకరించనుంది.
