ఛత్తీస్గఢ్లో వినూత్న నిరసన: ఫైల్ క్లియరెన్స్ కోసం అధికారిణికి ‘బాదం’ బహుమతి!
ఫైల్ గుర్తులేదన్న అధికారి.. బాదం పప్పులతో ‘జ్ఞాపకశక్తి’ పాఠం చెప్పిన బాధితుడు.
నెలల తరబడి తిరిగినా పట్టించుకోలేదని.. అధికారి టేబుల్పై బాదం పప్పులు చల్లి నిరసన..
ప్రభుత్వ కార్యాలయాల చుట్టూ తిరిగే సామాన్యులకు ఎదురయ్యే ఇబ్బందులు అన్నీ ఇన్నీ కావు. పని జరగకపోయినా, అధికారులు స్పష్టమైన సమాధానం చెప్పకపోయినా బాధితులు పడే వేదన వర్ణనాతీతం. ఇలాంటి ఓ విచిత్రమైన, అదే సమయంలో అందరినీ ఆలోచింపజేసే ఘటన ఛత్తీస్గఢ్లోని బిలాస్పూర్లో వెలుగుచూసింది.
బిలాస్పూర్లోని హౌసింగ్ బోర్డులో జరిగిన ఈ ఘటన ప్రస్తుతం సోషల్ మీడియాలో వైరల్గా మారింది. తన ఇంటికి సంబంధించిన ఫైల్ క్లియరెన్స్ కోసం ఓ వ్యక్తి గత కొన్ని నెలలుగా ఆ కార్యాలయం చుట్టూ తిరుగుతున్నాడు. ఎన్నిసార్లు విన్నవించినా, అధికారుల నుంచి మాత్రం నామమాత్రపు సమాధానాలే తప్ప, పనిలో పురోగతి కనిపించలేదు.
బాధితుడు ఫైల్ గురించి అడిగిన ప్రతిసారీ, సంబంధిత అధికారి నుంచి “నాకు ఫైల్ గుర్తులేదు.. చూస్తాను” అనే సమాధానమే వస్తుంది. నెలల తరబడి ఇదే తంతు కొనసాగడంతో బాధితుడి సహనం నశించింది. తన పని ఎప్పటికి పూర్తవుతుందో తెలియని ఆయన, అధికారులకు బుద్ధి చెప్పాలని నిర్ణయించుకున్నాడు.
ఈ హామీనే బాధితుడు కార్యాలయానికి వెళ్లి మరోసారి తన ఫైల్ గురించి ఆరా తీశాడు. అధికారిణి ఎప్పటిలాగే ఏమీ తెలియదన్నట్లుగా సమాధానం ఇచ్చింది. వెంటనే అతను తన వెంట తెచ్చుకున్న బాదం పప్పులను టేబుల్ మీద పారబోశాడు. “ఈ బాదం పప్పులు తినండి.. అప్పుడు మీ జ్ఞాపకశక్తి పెరుగుతుంది, నా ఫైల్ కూడా మీకు గుర్తుకొస్తుంది” అంటూ ఘాటుగా స్పందించి అక్కడి నుంచి నిష్క్రమించాడు.
ప్రభుత్వ వ్యవస్థలో నిర్లక్ష్యం ఎంతలా వెళ్లనుకుపోయిందో చెప్పడానికి ఈ ఘటన ఒక నిదర్శనమని పలువురు అభిప్రాయపడుతున్నారు. సామాన్యుల సమస్యలను పరిష్కరించడంలో అధికారులు బాధ్యతాయుతంగా వ్యవహరించాలని, లేకపోతే ఇలాంటి నిరసనలు తప్పవని పలువురు నెటిజన్లు వ్యాఖ్యానిస్తున్నారు.
అధికారిణి టేబుల్పై బాదం పప్పులు చల్లిన వీడియో ప్రస్తుతం నెట్టింట హల్చల్ చేస్తోంది. అయితే, ఈ వినూత్నపై సమాచారం ఎలా ఉంటుందో, ఆ వ్యక్తి ఫైల్ క్లియర్ అవుతుందో లేదో చూడాలి. ప్రజాసేవలో ఉండాల్సిన వారు బాధితుల పట్ల నిర్లక్ష్యంగా వ్యవహరించడంపై ఆగ్రహం వ్యక్తమవుతోంది.
https://x.com/ChotaNewsApp/status/2045427648470642774
