మన శరీరం ఆరోగ్యంగా మరియు ఉత్సాహంగా ఉండాలంటే అన్ని రకాల పోషకాలు సమపాళ్లలో అందడం చాలా ముఖ్యం. అందులోనూ విటమిన్ డి మన ఎముకల బలానికి, రోగ నిరోధక శక్తికి అత్యంత కీలకం. కానీ నేటి బిజీ లైఫ్‌స్టైల్, ఎండలో తిరగకపోవడం వల్ల చాలామందిలో విటమిన్ డి లోపం తీవ్రంగా పెరుగుతోంది. ఈ విటమిన్ మోతాదు తగ్గిపోతే, అనారోగ్య సమస్యలు చుట్టుముట్టడం ఖాయం. దీనిని అసలు నిర్లక్ష్యం చేయకూడదు.
విటమిన్ డి లోపిస్తే ప్రధానంగా విపరీతమైన అలసట, నీరసం వేధిస్తున్నాయి. ఎంత నిద్రపోయినా నిండా కునుకు లేకపోవడం, ఎల్లప్పుడూ చిరాకుగా అనిపించడం జరుగుతుంది. ఏ చిన్న పని చేయడానికి కూడా శరీరంలో శక్తి సరిపోదు. కండరాలు, నరాల బలహీనపడి విపరీతమైన ఒళ్లు నొప్పులు, కీళ్ల నొప్పులు బాధిస్తాయి. చర్మం పొడిబారడం, దురద పుట్టడం, జుట్టు విపరీతంగా రాలిపోవడం వంటి సమస్యలు కూడా ఈ లోపం కారణంగానే తలెత్తుతాయి.
(20).webp)
ఈ విటమిన్ లోపం కేవలం శారీరక నొప్పులకే పరిమితం కాదు, రోగ నిరోధక శక్తిని కూడా పూర్తిగా దెబ్బతీస్తుంది. దీనివల్ల పదేపదే జలుబు, దగ్గు జ్వరం వంటి ఇన్ఫెక్షన్ల బారిన పడే అవకాశం పెరుగుతుంది. మానసిక ఒత్తిడి, డిప్రెషన్, నిద్రలేమి సమస్యలు కూడా విటమిన్ డి లోపం ఉన్నవారిలో ఎక్కువగా కనిపిస్తున్నట్లు నిపుణులు హెచ్చరిస్తున్నారు. కాబట్టి ఈ మీలో కనిపిస్తే వెంటనే అప్రమత్తం కావడం మంచిది.
ఈ లోపాన్ని అధిగమించడానికి ఆహారపు అలవాట్లలో కొన్ని కీలక మార్పులు చేసుకోవాలి. పాలు, గుడ్లు, చీజ్, సోయాబీన్స్, చేపలు మరియు సీజనల్ కూరగాయలను మీ రోజువారీ ఆహారంలో విధిగా చేర్చుకోవాలి. ఇవి శరీరానికి కావలసిన పోషకాలను అందిస్తాయి. కేవలం ఆహారమే కాకుండా, ప్రతిరోజూ ఉదయం లేదా మధ్యాహ్నం 11 గంటల నుండి 2 గంటల మధ్య కాసేపు శరీరానికి తగిలేలా చూసుకోవడం ద్వారా సహజసిద్ధంగా విటమిన్ డి పొందవచ్చు. ఈ చిన్న చిన్న జాగ్రత్తలతో అనారోగ్యాలకు దూరంగా ఉండవచ్చు.
విటమిన్ డి లోపం లక్షణాలు, తక్కువ విటమిన్ డి హెచ్చరిక సంకేతాలు, విటమిన్ డి లేకపోవడం వల్ల కలిగే ఆరోగ్య ప్రమాదాలు, ఎముక నొప్పి మరియు అలసట కారణాలు, రోగనిరోధక శక్తి మరియు విటమిన్ డి, పోషకాహార లోపం వాస్తవాలు, ఆరోగ్య తనిఖీ చిట్కాలు.
