Home సినిమా Facebook క్రీంతో కిడ్నీలు ఫెయిల్ – Andhra Waves

Facebook క్రీంతో కిడ్నీలు ఫెయిల్ – Andhra Waves

by andhra andhrawave
0 comments
Facebook క్రీంతో కిడ్నీలు ఫెయిల్


అందంగా కనిపించాలని కోరుకోవడంలో తప్పు లేదు. అలానే ఉన్న అందానికి కాస్త మెరుగులు దిద్దుకుంటే తప్పులేదు.. కానీ లేని అందం కోసం పాకులాడి.. అడ్డమైన క్రీములు వాడితేనే ప్రమాదం. ఇక నేటి కాలంలో అయితే వైద్యుల కన్నా ఎక్కువగా సోషల్ మీడియా ఇన్‌ఫ్లుయెన్సర్లు ఫెయిర్నెస్ క్రీముల గురించి ప్రచారం చేస్తున్నారు. డబ్బుల కోసం వారు చేపట్టే తప్పుడు ప్రమోషన్లను చూసి అమాయకులు డబ్బులు పెట్టి మరీ ప్రాణాంతక జబ్బులను కోరి తెచ్చుకుంటున్నారు.

సోషల్ మీడియాలో వచ్చే ఆకర్షణీయమైన ప్రకటనలను నమ్మి, ఎలాంటి నాణ్యతా ప్రమాణాలు లేని సౌందర్య ఉత్పత్తులను వాడితే ప్రాణాలకే ముప్పు వాటిల్లుతుందని కేరళలో తాజాగా ఒక ఘటన చోటు చేసుకుంది. ఇన్‌స్టాగ్రామ్ ఇన్‌ఫ్లుయెన్సర్ల ప్రచారానికి ఆకర్షితురాలై ఆన్‌లైన్‌లో కొనుగోలు చేసిన ఫెయిర్‌నెస్ క్రీమ్ వాడకంతో 17 ఏళ్ల బాలిక తీవ్రమైన కిడ్నీ వ్యాధి బారిన పడింది. కేరళలోని మలప్పురంలో చోటుచేసుకున్న ఈ ఉదంతం ఇప్పుడు దేశవ్యాప్తంగా చర్చనీయాంశంగా మారింది.

ఏడాది పాటు వినియోగం తర్వాత

మలప్పురానికి చెందిన సదరు బాలిక మొటిమలు, నల్ల మచ్చలు మరియు చర్మంపై గ్మెంటేషన్ సమస్యలను తగ్గిస్తామంటూ ఇన్‌స్టాగ్రామ్‌లో వచ్చిన వీడియో ప్రకటనలను చూసింది. ఆ వీడియోలలో ఇచ్చిన వాట్సాప్ నంబర్ ద్వారా వినియోగదారులను సంప్రదించి ఫెయిర్‌నెస్ క్రీమ్ ఆర్డర్ చేసింది.

ప్రారంభ ఫలితాలు: క్రీమ్ వాడిన మొదట్లో చర్మం మెరుగులు కనిపించడంతో, ఆమె దాదాపు ఏడాది పాటు దానిని నిరంతరాయంగా ఉపయోగించింది.

పదేపదే కొనుగోళ్లు: క్రీమ్ అయిపోయినప్పుడల్లా మళ్లీ మళ్లీ ఆర్డర్ చేసి కొత్త సీసాలను తెప్పించుకుంది.

ఒక్కసారిగా క్షీణించిన ఆరోగ్యం..

సాధారణంగా తర్వాత బాలిక ఆరోగ్యం అకస్మాత్తుగా క్షీణించడం మొదలైంది. రక్తపోటు (బీపీ) పడిపోవడం, స్పృహ కోల్పోవడం, కాళ్లకు తీవ్రమైన వాపు రావడం వంటి లక్షణాలు కనిపిస్తాయి. ఎక్కువ వాపుతో కనీసం నడవడానికి, మెట్లు ఎక్కడానికి కూడా ఆమె తీవ్ర ఇబ్బంది పడింది.

దీంతో ఆందోళన చెందిన కుటుంబ సభ్యులు ఆమెను మలప్పురంలోని ఆస్టర్ మిమ్స్ మదర్ ఆసుపత్రికి తరలించారు. అక్కడ నిర్వహించిన వైద్య పరీక్షల్లో బాలిక శరీరంలో పాదరసం (మెర్క్యురీ) అత్యంత ప్రమాదకర స్థాయిలో ఉన్నట్లు తేలింది.

వ్యాధి నిర్ధారణ: బాలికలకు ‘మెంబ్రేనస్ నెఫ్రోపతీ’ అనే తీవ్రమైన వ్యాధి సోకినట్లు ఫ్రాగ్రాజిస్ట్ డాక్టర్ గౌరీ నిర్ధారించారు.

కిడ్నీలపై ప్రభావం: క్రీమ్‌లో ఉన్న అధిక మోతాదు పాదరసం నేరుగా మూత్రపిండాలలోని వడపోత వ్యవస్థను దెబ్బతీసినట్లు వైద్య పరిశోధనల్లో వెల్లడైంది.

12,500 రెట్లు అధికంగా పాదరసం!

బాలిక ఉపయోగించిన ఫెయిర్‌నెస్ క్రీమ్‌ను ప్రయోగశాలలో పరీక్షించగా విస్తుపోయే వాస్తవాలు బయటపడ్డాయి. సాధారణంగా సౌందర్య ఉత్పత్తుల్లో పాదరసం స్థాయి మిలియన్‌కు ఒక భాగం (1 ppm) కంటే తక్కువగా ఉండాలి. కానీ, ఆ క్రీమ్‌లో ఏకంగా మిలియన్‌కు 12,500 భాగాలు (12,500 ppm) పాదరసం సూచించబడింది. అంటే అనుమతించదగిన పరిమితి కంటే ఇది వేల రెట్లు అధికం.

కోర్టుకి బాధిత కుటుంబం

ఈ ఘటనపై బాధితురాలి కుటుంబ సభ్యులు తీవ్ర ఆగ్రహం వ్యక్తం చేస్తున్నారు. ఆరోగ్య సమస్యలు తలెత్తిన విషయంపై కంపెనీకి ఫిర్యాదు చేసినప్పటికీ వారి నుంచి ఎలాంటి సరైన స్పందన రాలేదని బాలిక వాపోయింది. దీంతో ఆ సంస్థపై కోర్టులో న్యాయపోరాటం చేయాలని కుటుంబం నిర్ణయించుకుంది. ప్రస్తుతం విచారణ మరియు న్యాయపరమైన ప్రక్రియ కొనసాగుతున్నందున ఆ క్రీమ్ పేరును బహిర్గతం చేయలేదు.

వైద్యుల కీలక హెచ్చరిక

చర్మం తక్కువ రోజుల్లోనే తెల్లగా మారుతుందని, మచ్చలు మాయమవుతాయని నమ్మించే సోషల్ మీడియా ప్రకటనల పట్ల ప్రజలు అప్రమత్తంగా ఉండాలని వైద్యులు హెచ్చరిస్తున్నారు. ఎలాంటి చర్మ సమస్యలు ఉన్నా సొంత వైద్యం లేదా ఆన్‌లైన్ ప్రకటనల జోలికి వెళ్లకుండా, అర్హులైన డెర్మటాలజిస్టులను మాత్రమే సంప్రదించాలని సూచిస్తున్నారు.

The post ఫేస్ క్రీంతో కిడ్నీలు ఫెయిల్ appeared first on iDreamPost.

You may also like

Leave a Comment

Andhra Wavesdelivers breaking news, insightful analysis, and in-depth features across a diverse range of topics including politics, economy, culture, technology, sports, and more. Whether you’re a resident of the region, a diaspora member, or simply interested in staying informed about the dynamic developments in Andhra Pradesh and Telangana, 

Edtior's Picks

Latest Articles

All Right Reserved. Designed and Developed by Voice Bird