సౌతాఫ్రికా స్టార్ పేసర్ కగిసో రబాడ తన పదునైన బౌలింగ్తో బంగ్లాదేశ్ కెప్టెన్ నజ్ముల్ హొస్సేన్ శాంతోకు దిమ్మతిరిగే షాకిచ్చాడు. జోహన్నెస్బర్గ్లోని వాండర్స్ స్టేడియంలో జరుగుతున్న తొలిరోజు మొదటి రోజే అద్భుతమైన ఇన్స్వింగర్తో శాంతోను క్లీన్ బౌల్డ్ చేశాడు. రబాడ వేసిన బంతి ధాటికి ఆఫ్ స్టంప్ గాల్లోకి ఎగిరిపడింది. దీనికి సంబంధించిన వీడియో క్రికెట్ ఫ్యాన్స్ ను ఆకట్టుకుంటుంది.
చూడవలసిన సంపూర్ణ దృశ్యం.
https://t.co/FnxPiqCvVa
— ముఫద్దల్ వోహ్రా (@mufaddal_vohra) నవంబర్ 15, 2026
మొదట క్రీజులోకి వచ్చిన శాంతో ఎదురుదాడికి దిగాడు. తన ఆరంభంలో కవర్ పాయింట్ దిశగా ఫోర్ కొట్టి దూకుడు ప్రదర్శించాడు. అయితే రబాడ బౌలింగ్లో అతడి ఆట ఎక్కువసేపు సాగలేదు. తొమ్మిదో ఓవర్లో రబాడ సంధించిన అద్భుతమైన బంతి శాంతోను బోల్తా కొట్టించింది. ఆఫ్ స్టంప్ దిశగా వేసిన బంతి అనూహ్యంగా లోపలికి స్వింగ్ అవుతూ బ్యాట్, ప్యాడ్ మధ్య నుంచి దూసుకెళ్లింది. దాన్ని అడ్డుకునేలోపే బంతి నేరుగా ఆఫ్ స్టంప్ను బలంగా తాకింది. దీనితో స్టంప్ గాల్లోకి ఎగిరిపడగా, బెయిల్స్ కూడా దూరంగా చెల్లాచెదురయ్యాయి. ఈ అద్భుతమైన డెలివరీకి శాంతో దగ్గర సమాధానమే లేకుండా పోయింది.
12 పరుగులు చేసిన బంగ్లాదేశ్ కెప్టెన్ పెవిలియన్ చేరడంతో రబాడ తన మూడో వికెట్ను ఖాతాలో వేసుకున్నాడు. మరోవైపు టాస్ గెలిచి మొదట బ్యాటింగ్ ఎంపిక బంగ్లాదేశ్ జట్టు కేవలం 22 పరుగులకే మూడు వికెట్లు కోల్పోయి కష్టాల్లో పడింది. రబాడ పదునైన బౌలింగ్తో ఆరంభంలో దక్షిణాఫ్రికాకు పైచేయి అందించాడు.
The post ఎగిరిపడిన ఆఫ్ స్టంప్! iDreamPostలో మొదట కనిపించారు.

https://t.co/FnxPiqCvVa