సినిమా ఇండస్ట్రీలో వారసత్వం అనేది కొత్త విషయం కాదు. చాలామంది స్టార్ హీరోలు, హీరోయిన్లు, దర్శకుల వారసులు సినిమాల్లోకి వస్తుంటారు. అయితే కొందరు మాత్రం తమ తండ్రి ఎంత పెద్ద దర్శకుడైనా సరే.. ఆ ఇమేజ్‌ని ఉపయోగించుకోకుండా తమకంటూ ప్రత్యేక గుర్తింపు తెచ్చుకునే ప్రయత్నం చేస్తారు. అలాంటి వారిలో నటుడు సునీల్ రెడ్డి ఒకరు. ప్రస్తుతం తమిళ సినిమాల్లో క్యారెక్టర్ ఆర్టిస్టుగా ఉంటున్న ఈయన బ్యాక్‌గ్రౌండ్ తెలిస్తే మాత్రం ఆశ్చర్యపోవాల్సిందే.
సునీల్ రెడ్డి మరెవరో కాదు.. ఒకప్పుడు మెగాస్టార్ చిరంజీవితో ఎన్నో సూపర్ హిట్ సినిమాలను తెరకెక్కించిన ప్రముఖ దర్శకుడు ఏ. కోదండరామిరెడ్డి తనయుడు. ఖైదీ, అభిలాష, పసివాడి ప్రాణం, అత్తకు యముడు అమ్మాయికి మొగుడు, ముఠామేస్త్రి వంటి ఎన్నో విజయవంతమైన చిత్రాలను చిరంజీవికి అందించారు కోదండరామిరెడ్డి. టాలీవుడ్‌లో అగ్ర దర్శకుడిగా ఆయనకు ప్రత్యేకమైన గుర్తింపు ఉంది. అలాంటి దర్శకుడి కుమారుడే సునీల్ రెడ్డి.
అయితే సునీల్ రెడ్డి మాత్రం తండ్రి పేరుతో కాకుండా నటుడిగా తనకంటూ గుర్తింపు తెచ్చుకోవాలని ప్రయత్నించారు. 2018లో విజయ్ సేతుపతి నటించిన ‘సీతాకత్తి’ సినిమాతో నటుడిగా ప్రయాణం మొదలుపెట్టారు. ఆ తర్వాత మాస్టర్, డాక్టర్, బీస్ట్, జైలర్, మామన్నన్ వంటి తమిళ సినిమాల్లో విభిన్న పాత్రల్లో కనిపించారు. ముఖ్యంగా ‘డాక్టర్’ సినిమాలో మహాలీ పాత్రతో ప్రేక్షకులను బాగా నవ్వించారు.
మరో ఆసక్తికరమైన విషయం.. సునీల్ రెడ్డి తమ్ముడు కూడా నటుడే. అతనే వైభవ్ రెడ్డి. తెలుగులో హీరోగా సినిమాలు చేసిన వైభవ్.. తమిళంలోనూ పలు చిత్రాల్లో నటిస్తూ గుర్తింపు తెచ్చుకున్నారు. ఇలా కుటుంబం నుంచి వచ్చిన అన్నదమ్ములిద్దరూ ఒకే సినిమాల్లో కొనసాగడం విశేషం.
ఇటీవల సూర్య నటించిన ‘విశ్వనాథ్ అండ్ సన్స్’ సినిమాలో సునీల్ రెడ్డి కనిపించడంతో తెలుగు ప్రేక్షకుల్లో ఆయన గురించి ఆసక్తి పెరిగింది. ఒకప్పుడు మెగాస్టార్ చిరంజీవితో ఎన్నో విజయవంతమైన సినిమాలను తెరకెక్కించిన దర్శకుడి కుమారుడు.. ఇప్పుడు క్యారెక్టర్ ఆర్టిస్టుగా తనదైన గుర్తింపు తెచ్చుకోవడం విశేషం.
[Sunil Reddy, A Kodandarami Reddy, Sunil Reddy Father, Kodandarami Reddy Son, Sunil Reddy Movies, Vaibhav Reddy, Jailer Actor Sunil Reddy, Tamil Actor Sunil Reddy]
