భారత టూ వీలర్ మార్కెట్లో మరోసారి భారీ పోటీ కనిపించింది. 2026 క్యాలెండర్ ఏడాది మూడో త్రైమాసికం అంటే జూలై నుంచి సెప్టెంబర్ వరకు దేశంలోని టాప్-6 కంపెనీలు కలిపి 76,07,876 టూ వీలర్లను విక్రయించాయి. గత ఏడాది ఇదే మూడు నెలల్లో 65,20,543 యూనిట్లు అమ్ముడయ్యాయి. దీనితో ఏడాది ప్రాతిపదికన అమ్మకాలు 16.68 శాతం పెరిగాయి. ఈ పోటీలో హీరో మోటోకార్ప్ మొదటి స్థానం దక్కించుకోగా, టీవీఎస్ మోటార్ రెండో స్థానంలో నిలిచింది. హోండా మూడో స్థానంతో సరిపెట్టుకుంది.
హీరోకు దగ్గరగా వచ్చిన టీవీఎస్
హీరో మోటోకార్ప్ జూలై–సెప్టెంబర్ 2026 మధ్య 18,68,252 యూనిట్లను విక్రయించింది. గత ఏడాది ఇదే కాలంతో అమ్మకాలు 10.50 శాతం పెరిగాయి. టీవీఎస్ మోటార్ 18,40,53 యూనిట్ల విక్రయాలతో రెండో స్థానంలో నిలిచింది. ఈ కంపెనీ అమ్మకాలు 26.64 శాతం పెరగడం విశేషం. హీరో, టీవీఎస్ మధ్య తేడా కేవలం 27,722 యూనిట్లు మాత్రమే. హోండా 18,28,362 యూనిట్ల అమ్మకాలతో మూడో స్థానంలో ఉంది. టీవీఎస్, హోండా మధ్య తేడా కూడా 12,168 యూనిట్లే. దీనితో టాప్-3 కంపెనీల మధ్య పోటీ ఎంత తీవ్రంగా ఉందో అర్థమవుతోంది.
దేశీయ మార్కెట్‌లోనూ హీరోదే మొదటి స్థానం
భారత్‌లో జరిగిన అమ్మకాలను మాత్రమే తీసుకుంటే హీరో మోటోకార్ప్ 17,82,816 యూనిట్లతో మొదటి స్థానంలో నిలిచింది. హోండా 16,30,533 యూనిట్ల అమ్మకాలతో రెండో స్థానంలో ఉండగా, టీవీఎస్ 13,53,263 యూనిట్లతో మూడో వస్తువులను దక్కించుకుంది. ఈ మూడు నెలల్లో ఆరు కంపెనీల దేశీయ అమ్మకాలు కలిపి 60,60,833 యూనిట్లకు చేరాయి. గత ఏడాది ఇదే కాలంలో నమోదైన 53,17,336 యూనిట్లతో 13.98 శాతం వృద్ధి కనిపించింది. దేశీయ టీవీఎస్ 24.05 శాతం వృద్ధిని నమోదు చేయడం ప్రత్యేకంగా చెప్పుకోవాలి.
ఇది కూడా చదవండి: టాటా, నిస్సాన్, హోండా కార్లలో ఏది బెస్ట్?
ఎగుమతుల్లో బజాజ్, టీవీఎస్ దూకుడు
మొత్తం అమ్మకాల పరంగా బజాజ్ ఆటో 12,83,961 యూనిట్లతో నాలుగో స్థానంలో నిలిచింది. గత ఏడాదితో పోలిస్తే. కంపెనీ అమ్మకాలు 2011 శాతం పెరిగాయి. విదేశాలకు బైకులు పంపడంలో బజాజ్ ముందంజలో ఉంది. ఈ మూడు నెలల్లో 6,76,545 యూనిట్లను ఎగుమతి చేసింది. టీవీఎస్ 4,87,267 యూనిట్ల ఎగుమతులతో రెండో స్థానంలో నిలిచి 34.37 శాతం వృద్ధిని నమోదు చేసింది. ఆరు కంపెనీల మొత్తం ఎగుమతులు 15,47,043 యూనిట్లకు చేరాయి. గత ఏడాదితో పోలిస్తే 28.58 శాతం పెరిగాయి.
ఇది కూడా చదవండి: మారుతి నుంచి 6 కొత్త కార్లు.. ఎప్పుడొస్తాయంటే?
సుజుకి, రాయల్ ఎన్ఫీల్డ్ అమ్మకాలు ఎలా ఉన్నాయి?
సుజుకి 4,08,102 యూనిట్ల అమ్మకాలతో ఐదో స్థానంలో నిలిచింది. రాయల్ ఎన్ఫీల్డ్ 3,78,669 యూనిట్లను విక్రయించి ఆరో సంపాదించింది. ఈ రెండు కంపెనీల అమ్మకాలు కూడా గత ఏడాదితో పోలిస్తే పెరిగాయి. మొత్తంగా చూస్తే హీరో ఇప్పటికీ అగ్రస్థానంలో ఉన్నా, టీవీఎస్ వేగంగా దగ్గరవుతోంది. హోండా కూడా స్వల్ప తేడాతో పోటీలో కొనసాగుతోంది. రాబోయే నెలల్లో పండుగల సీజన్ డిమాండ్, కొత్త మోడల్స్, ఎగుమతుల తీరు ఈ కంపెనీల అమ్మకాల ర్యాంకులను ప్రభావితం చేసే అవకాశం ఉంది.
మరిన్ని వ్యాపార వార్తల కోసం ఇక్కడ క్లిక్ చేయండి
