ఒక్క సెల్ఫీతో మన ఆరోగ్యం ఎలా ఉందో చెబితే.. లక్షల రూపాయలు మిగులతాయి కదా.. ఇప్పుడే అదే దిశగా అమెరికా శాస్త్రవేత్తలు కొత్త ఏఐ మోడల్‌ను అభివృద్ధి చేశారు. ముఖం ఫొటో ఆధారంగా ఒక వ్యక్తి బయోలాజికల్ ఏజ్‌ను అంచనా వేయడంతో పాటుగా, క్యాన్సర్ రోగులలో మరణ ముప్పుతో సంబంధం ఉన్న సంకేతాలను గుర్తించేందుకు ఈ చిత్రాన్ని రూపొందించారు. అయితే ఇది ప్రస్తుతం పరిశోధనలోనే ఉంది. ప్రతి ఒక్కరి ఆరోగ్యాన్ని సెల్ఫీతో పూర్తిగా నిర్ధారించే సాధనం కాదు.
40 మిలియన్లకు పైగా ఫొటోలతో ట్రైనింగ్
అమెరికాలోని మాస్ జనరల్ బ్రిగమ్ పరిశోధకులు ఈ మోడల్‌కు FAHR-Face అని పేరు పెట్టారు. 4 కోట్లకు పైగా ముఖ చిత్రాలతో దీనికి ట్రైనింగ్ ఇచ్చారు. ఆ తర్వాత రెండు ప్రత్యేక సాధనలుగా అభివృద్ధి చేశారు. మొదటిది FAHR-FaceAge. ఇది ముఖ లక్షణాలను పరిశీలించి బయోలాజికల్ ఏజ్‌ను అంచనా వేస్తుంది. రెండోది FAHR-FaceSurvival. ఇది రోగుల ముఖ చిత్రాలలో క్యాన్సర్ నమూనాలను అంచనా వేస్తుంది వారి మరణ ముప్పును వేస్తుంది. ఈ పరిశోధన వివరాలు ద లాన్సెంట్ డిజిటల్ హెల్త్ జర్నల్‌లో ప్రచురితమయ్యాయి.
ముఖంలోని ఏ భాగాలను నిర్దేశిస్తుంది?
మనకు పుట్టినప్పుడు వచ్చిన వయసును క్రోనలాజికల్ ఏజ్ అంటారు. శరీరం ఎంత వృద్ధాప్యానికి గురైందనే అంచనా వేసే వయసును బయోలాజికల్ ఏజ్ అంటారు. ఈ రెండూ ఒకేలా ఉండాల్సిన అవసరం లేదు. FAHR-FaceAge నోరు చుట్టూ ఉండే మడతలు, నుదురు, కణతల ప్రాంతాలను గుర్తించాయి. మరోవైపు FAHR-FaceSurvival కళ్ల కింద భాగం, ముక్కు పైభాగం చుట్టూ ఉన్న లక్షణాలకు ఎక్కువ ప్రాధాన్యత ఇస్తుంది. ధూమపానం, అధికంగా మద్యం సేవించడం వంటి అలవాట్లు ముఖం వయసుగా కనిపించడంతో సంబంధం ఉందని పరిశోధకులు గుర్తించారు.
ఇది కూడా చదవండి: ఒప్పో రెనో సిరీస్ వస్తోంది.. ఫీచర్స్ లీక్
3,820 మంది రోగులపై పరీక్ష
పరిశోధకులు క్యాన్సర్ రోగులపై ఈ మోడల్ పనితీరును పరీక్షించారు. 3,820 మంది ఉన్న ఒక ప్రత్యేక పరీక్షా సమూహంలో అత్యధిక ముప్పు ఉన్న వర్గంలో 122 మందిని చేర్చగా, వారిలో సుమారు 52.5 శాతం మంది ఫొటో తీసిన 90 రోజుల్లో మరణించారు. అత్యల్ప ముప్పు ఉన్న వర్గంలోని 975 మందిలో అదే సమయంలో సుమారు 2.1 శాతం మంది మరణించారు. మరో స్వతంత్ర సమూహంలోనూ పరిశీలించారు. ఇవి రెండు వర్గాల మధ్య కనిపించిన గణాంక సంబంధాలు మాత్రమే. ఒక వ్యక్తి ఎప్పుడు మరణిస్తారో ఈ మోడల్ కచ్చితంగా చెప్పగలదని దీని అర్థం కాదు.
ఇది కూడా చదవండి: ఈ ఫోన్‌పై ఏకంగా రూ.20వేలు డిస్కౌంట్
వైద్యులకు ఎలా ఉపయోగపడుతుంది?
భవిష్యత్తులో రోగి ఆరోగ్య పరిస్థితిని అంచనా వేయడం, చికిత్సకు శరీరం ఎంతవరకు తట్టుకోగలదో అర్థం చేసుకోవడం వంటి అంశాల్లో ఈ సాంకేతికత వైద్యులకు సహాయపడే అవకాశం ఉంది. అయితే నిపుణులు కొన్ని పరిమితులను గుర్తు చేస్తున్నారు. ముఖం ఆధారంగా వచ్చిన అంచనాలు వైద్య పరీక్షలకు ప్రత్యామ్నాయం కావు. ఈ మోడల్ వివిధ వయసులు, ప్రజా సమూహాలు, ఆసుపత్రుల్లో ఎంత విశ్వసనీయంగా పనిచేస్తుందో మరింత పరిశోధించాలి. ప్రస్తుతం సెల్ఫీ ఆధారంగా క్యాన్సర్‌ను నిర్ధారించడం లేదా చికిత్స నిర్ణయించడం సరికాదు. వైద్యుల పరిశీలన, అవసరమైన పరీక్షలే కీలకం.
మరిన్ని టెక్నాలజీ వార్తల కోసం ఇక్కడ క్లిక్ చేయండి..!
The post సెల్ఫీతోనే మీ ఆరోగ్యం ఎలా ఉంటుందో చెప్పేస్తుంది appeared first on iDreamPost.
