తెలంగాణ రాష్ట్ర ప్రభుత్వ ఉద్యోగులు, రిటైర్డ్ పెన్షనర్ల ఆరోగ్య భద్రతకు సంబంధించి రేవంత్ రెడ్డి ప్రభుత్వం అత్యంత కీలకమైన అడుగు వేసింది. ఎన్నో ఏళ్లుగా సంపూర్ణ నగదు రహిత (క్యాష్లెస్) వైద్య సేవను క్షేత్రస్థాయిలో పక్కాగా అమలు చేయడమే లక్ష్యంగా ‘ఎంప్లాయిస్ హెల్త్ స్కీమ్’ (EHS) విప్లవాత్మక మార్పులకు శ్రీకారం చుట్టింది. ఈ ప్రతిష్టాత్మక పథకం నిర్వహణ కోసం ప్రత్యేకంగా ఏర్పాటు చేయబోతున్న ‘ఎంప్లాయి హెల్త్ కేర్ ట్రస్ట్’ స్వరూపంపై ముఖ్యమంత్రి రేవంత్ రెడ్డి అధికారులతో ఉన్నత స్థాయి సమీక్ష నిర్వహించనున్నారు. ఈ ట్రస్ట్ను, ఉపాధ్యాయులతో పాటు పెన్షనర్ల భాగస్వామ్యంతోనే నడిపించేలా ప్రభుత్వం డిజైన్ చేయడం విశేషం.
ఈ నూతన హెల్త్ కేర్ ట్రస్ట్లో ఉద్యోగ సంఘాల నుంచి ఆరుగురు (6) ప్రతినిధులను, అలాగే రిటైర్డ్ పెన్షనర్ల సంఘాల నుంచి ఇద్దరు (2) ప్రతినిధులను సభ్యులుగా నియమించబోతున్నారు. ప్రభుత్వం తరపున పూర్తి సమన్వయం కోసం ఒక సీనియర్ రాష్ట్ర ఉద్యోగిని ఈ హెల్ కేర్ ట్రస్ట్కు చీఫ్ ఎగ్జిక్యూటివ్ ఆఫీసర్ (CEO) గా ప్రభుత్వం రంగంలోకి దించనుంది. ఈ కమిటీకి సంబంధించిన అధికారిక ఉత్తర్వులు, సభ్యుల వివరాలను ప్రభుత్వం రేపటిలోనే ప్రకటించే అవకాశాలు స్పష్టంగా కనిపిస్తున్నాయి. దీనివల్ల ఉద్యోగుల ఆరోగ్య సమస్యలపై తక్షణ నిర్ణయాలు తీసుకునేందుకు, ప్రైవేటు ఆసుపత్రుల నెట్వర్క్ను సమర్థంగా నిర్వహించడానికి వీలు కల్పిస్తుంది.
ఈ నివేదన అత్యంత పారదర్శకంగా, లూప్హోల్స్ లేకుండా అమలు చేయడానికి అవసరమైన క్షేత్రస్థాయి వివరాల సేకరణ ప్రక్రియ ఇప్పటికే రాష్ట్రవ్యాప్తంగా శరవేగంగా పరిశీలించబడుతుంది. తెలంగాణ రాష్ట్రంలోని ప్రతి ప్రభుత్వ ఉద్యోగి, పెన్షనర్, మరియు వారిపై ఆధారపడిన కుటుంబ సభ్యుల సమగ్ర హెల్త్ డేటాను సేకరించాలని ఇప్పటికే అన్ని ప్రభుత్వ శాఖలకు అత్యవసర సర్క్యులర్ జారీ చేసింది. మే 31వ తేదీ లోపు ఈ వివరాలు ఆన్లైన్ పోర్లో తప్పనిసరిగా అప్లోడ్ చేయాల్సిన అవసరం విధించబడింది. ఈ గడువు ముగిసిన వెంటనే సేకరించిన పూర్తి డేటా ఆధారంగా ప్రతి లబ్ధిదారునికి అత్యాధునిక డిజిటల్ హెల్త్ కార్డులను జారీ చేస్తారు.
ఈ సరికొత్త డిజిటల్ హెల్త్ కార్డుల ద్వారా రాష్ట్రంలోని ఉద్యోగులు, పెన్షనర్లు ఎలాంటి ముందస్తు నగదు చెల్లింపులు లేకుండా మరియు సూపర్ స్పెషాలిటీ ఆసుపత్రులలో ఉచితంగా ఇన్పేషెంట్ చికిత్స పొందే అవకాశం ఉంటుంది. పాత విధానంలో ఎదురైన సాంకేతిక ఇబ్బందులను తొలగిస్తూ, హాస్పిటల్స్ బిల్లింగ్ ప్రక్రియను కూడా ఈ ట్రస్ట్ ద్వారా నేరుగా క్లియర్ చేసేలా ప్రణాళికలు సిద్ధం చేశారు. రేవంత్ రెడ్డి సర్కార్ తీసుకుంటున్న ఈ తాజా నిర్ణయం వల్ల రాష్ట్రవ్యాప్తంగా లక్షలాది మంది ప్రభుత్వ ఉద్యోగులు, ఉపాధ్యాయులు, పెన్షనర్ల కుటుంబాలకు కొండంత ఆరోగ్య ధీమా లభించనుంది. రేపటి ముఖ్యమంత్రి సమీక్ష అనంతరం ఈ పథకం అమలు విధానంపై మరిన్ని స్పష్టమైన మార్గదర్శకాలు వెలువడుతున్నాయి.
