Home Latest News పులివెందుల ఎంపీపీ ఎన్నికకు కొత్త చిక్కు.! | పులివెందుల ఎంపీపీ ఎన్నికలు | ఎంపీటీసీ ఎన్నికలు | ST రిజర్వేషన్ | MPP రిజర్వేషన్ | స్థానిక సంస్థల ఎన్నికలు | కడప రాజకీయం | ఆంధ్రప్రదేశ్ రాజకీయాలు – Andhra Waves

పులివెందుల ఎంపీపీ ఎన్నికకు కొత్త చిక్కు.! | పులివెందుల ఎంపీపీ ఎన్నికలు | ఎంపీటీసీ ఎన్నికలు | ST రిజర్వేషన్ | MPP రిజర్వేషన్ | స్థానిక సంస్థల ఎన్నికలు | కడప రాజకీయం | ఆంధ్రప్రదేశ్ రాజకీయాలు – Andhra Waves

by andhra andhrawave
0 comments
TeluguOne Logo


స్థానిక సంస్థల ఎన్నికల్లో రిజర్వేషన్ల ఖరారు ఎంత కీలకమో పులివెందుల మండల పరిషత్ వ్యవహారం మరోసారి చాటిచెబుతోంది. మండల పరిషత్ అధ్యక్ష పదవిని ఎస్టీలకు కేటాయించగా.. అదే మండల పరిధిలోని ఐదు ఎంపీటీసీ స్థానాల్లో ఒక్కటి కూడా ఆ వర్గానికి రిజర్వు చేయలేదు. అన్‌రిజర్వుడు స్థానాల్లోనూ ఎస్టీ అభ్యర్థులు ఎన్నిక కాలేదు. దీంతో ఎంపీపీ పదవి ఎస్టీలకు కేటాయించినా.. ఆ పదవిని చేపట్టేందుకు అర్హత కలిగిన సభ్యుడే లేకుండా పోయిన పరిస్థితి ఏర్పడింది.

ఐదు ఎంపీటీసీ స్థానాల్లోనూ అభ్యర్థులు ఏకగ్రీవంగా ఎన్నికవడంతో ఈ సమస్య మరింత జటిలంగా మారింది. అసలు ఎంపీపీ రిజర్వేషన్ ఖరారు చేసే సమయంలో ఎంపీటీసీ స్థానాల రిజర్వేషన్లను తీసుకోలేదా? ఒకే మండలంలో రెండు రకాల రిజర్వేషన్ల మధ్య సమన్వయం ఎందుకు కొరవడింది? అనే ప్రశ్నలు ఇప్పుడు రాజకీయ, అధికార వర్గాల్లో చర్చనీయాంశంగా మారాయి.

ఎంపీపీ పీఠం ఎస్టీలకు.. సభ్యత్వం మాత్రం దక్కని వైనం..!

పులివెందుల మండలంలో మొత్తం ఐదు ఎంపీటీసీ స్థానాలున్నాయి. అచ్చువెల్లి బీసీ జనరల్‌కు, ఈ.కొత్తపల్లిని అన్రిజర్వుడుకు, ఎర్రబల్లి-1ను ఎస్సీ జనరల్‌కు, ఎర్రబల్లి-2, రాగిమానుపల్లి స్థానాలను అన్‌రిజర్వుడు మహిళలకు కేటాయించారు. ఈ ఐదు స్థానాల్లోనూ ఎస్టీలకు ప్రాధాన్యం దక్కలేదు. మరోవైపు మండల పరిషత్ అధ్యక్ష పదవిని మాత్రం ఎస్టీ జనరల్‌కు కేటాయించారు. దీంతో మండల పరిషత్‌లో ఎస్టీ సభ్యుడి ప్రాబల్యం లేకుండానే ఎంపీపీ పదవికి రిజర్వేషన్ ఖరారైన పరిస్థితి. రిజర్వేషన్ల రూపకల్పనలో ముందస్తు సమన్వయం ఎంత అవసరమో ఈ వ్యవహారం స్పష్టం చేస్తోంది.

ఐదు స్థానాల్లో ఏకగ్రీవాలు.. చిక్కుముడి మరింత జటిలం.!

ఐదు ఎంపీటీసీ స్థానాల్లోనూ ఏకగ్రీవ ఎన్నికలు జరగడంతో ఇప్పుడు సమస్యకు పరిష్కారం మరింత క్లిష్టంగా మారింది. ఎంపీటీసీ ఎన్నికల ప్రక్రియ పూర్తయినప్పటికీ.. ఎంపీపీ పదవికి పోటీ చేసే అర్హత కలిగిన ఎస్టీ సభ్యుడు లేకపోవడం ప్రధాన సమస్యగా మారింది. అన్‌రిజర్వుడు స్థానాల్లోనూ ఎస్టీ అభ్యర్థులు ఎంపిక కా ప్రత్యామ్నాయ అవకాశం లేకుండా పోయింది. ఇలాంటి పరిస్థితుల్లో ఎంపీపీ ఎన్నికను నిబంధనల ప్రకారం ఎలా నిర్వహిస్తారు? రిజర్వేషన్‌ను యథాతథంగా కొనసాగిస్తారా? లేక ఏదైనా ప్రత్యేక మార్గదర్శకాలు జారీ చేస్తారా? అన్నది ఇప్పుడు ఉత్కంఠ రేపుతోంది.

ఇది కూడా చదవండి: తెలుగు రాష్ట్రాల్లో వైభవంగా కార్తీక తొలి సోమవారం.. పోటెత్తిన శివ భక్తులు

అధికారుల దృష్టికి చేరిన సమస్య.!

ఈ నెల 19న మండల పరిషత్ అధ్యక్షురాలు, ఉపాధ్యక్షుల ఎన్నికలు నిర్వహించేందుకు షెడ్యూల్ ప్రకటించారు. అయితే పులివెందులలో తలెత్తిన ఈ అసాధారణ పరిస్థితిని జిల్లా పరిషత్ ముఖ్య కార్యనిర్వహణాధికారి ద్వారా కలెక్టర్, రాష్ట్ర ఎన్నికల సంఘం, పంచాయతీరాజ్ కమిషనర్ దృష్టికి తీసుకెళ్లినట్లు సమాచారం. దీంతో ఎంపీపీ ఎన్నిక నిర్వహణపై అధికార వర్గాల్లో చర్చ మొదలైంది. నిర్ణీత తేదీన ఎన్నిక నిర్వహించారా? సమస్య పరిష్కారానికి రాష్ట్ర ఎన్నికల సంఘం ప్రత్యేక మార్గదర్శకాలు జారీ చేస్తుందా? లేక తదుపరి నిర్ణయం తీసుకునే వరకు ఎన్నిక వాయిదా పడుతుందా? అన్న ప్రశ్నలు ఉత్కంఠ రేపుతున్నాయి.

ఈసీ నిర్ణయంపైనే అందరి చూపు.!

పులివెందుల ఎంపీపీ వ్యవహారం ఇప్పుడు ఒక మండలానికే పరిమితమైన సమస్యగా కాకుండా.. స్థానిక సంస్థల ఎన్నికల్లో రిజర్వేషన్ల అమలు తీరుపై చర్చకు తెరలేపింది. ఎంపీపీ పదవికి ఒక వర్గానికి రిజర్వేషన్ కల్పించి, అదే మండలంలో ఆ వర్గానికి ఎంపీటీసీ లేకుండా పోవడం ఎలా సాధ్యమైందన్న ప్రశ్నలు వినిపిస్తున్నాయి. ఇప్పటికే ఐదు స్థానాల్లోనూ ఏకగ్రీవ ఎన్నికల నేపథ్యంలో తదుపరి ప్రక్రియ ఎలా ఉండబోతోన్నది ఆసక్తికరంగా మారింది. ఈ నెల 19న జరగాల్సిన ఎంపీపీ ఎన్నికపై రాష్ట్ర ఎన్నికల సంఘం తీసుకునే కీలక నిర్ణయం.

మీకు నచ్చవచ్చు: సరదాగా బయటకు వెళ్లిన ఇండిగో మహిళా ఉద్యోగిని దారుణ హత్య.!

మీకు నచ్చవచ్చు: ఐసీసీ ఛైర్మన్‌గా జై షా రెండోసారి ఏకగ్రీవ ఎన్నిక.!

[ Pulivendula MPP Election, MPTC Elections, ST Reservation, MPP Reservation, Local Body Elections, Kadapa Politics, Andhra Pradesh Politics, State Election Commission ]

You Might Also Like

You may also like

Leave a Comment

Andhra Wavesdelivers breaking news, insightful analysis, and in-depth features across a diverse range of topics including politics, economy, culture, technology, sports, and more. Whether you’re a resident of the region, a diaspora member, or simply interested in staying informed about the dynamic developments in Andhra Pradesh and Telangana, 

Edtior's Picks

Latest Articles

All Right Reserved. Designed and Developed by Voice Bird