US UFO Investigation గుండ్రటి ఆకారంలో గుర్తుతెలియని వస్తువు.. మూడు రెట్ల వేగంతో దూసుకెళ్లిందన్న పైలట్లు.. విచారణకు ట్రంప్?
అత్యాధునిక యుద్ధ విమానాల సాంకేతికతకు సవాల్ విసిరేలా ఓ ఆసక్తికర ఘటన వెలుగులోకి వచ్చింది. అమెరికా వైమానిక దళానికి చెందిన ఎఫ్-22 రాప్టర్ యుద్ధ విమానాన్ని ఓ గుర్తుతెలియని ఎగిరే వస్తువు (UFO) అత్యంత వేగంతో దాటిందని అధ్యక్షుడు డొనాల్డ్ ట్రంప్ వెల్లడించడం ఇప్పుడు చర్చనీయాంశంగా మారింది. ఆ వస్తువు సాధారణ విమానాల మాదిరిగా కాకుండా గుండ్రటి ఆకారంలో ఉందని, అత్యాధునిక యుద్ధ విమానం కంటే ఏకంగా మూడు రెట్ల వేగంతో ప్రయాణించిందని తనకు చెప్పినట్లు ట్రంప్ చెప్పారు.
ఎఫ్-22ను మించిపోయిన వేగం!
అమెరికా సైనిక విమానాల్లో అత్యాధునికమైనదిగా పేరొందిన ఎఫ్-22 రాప్టర్ వేగం, యుద్ధ సామర్థ్యాలు ప్రపంచవ్యాప్తంగా ప్రత్యేక గుర్తింపు పొందాయి. అలాంటి విమానాన్ని కూడా ఓ గుర్తుతెలియని వస్తువు సులభంగా దాటేసిందన్న విషయం ఆసక్తిని రేకెత్తిస్తోంది. F-22లో ప్రయాణిస్తున్న పైలట్లకు ఎదురైన ఈ అనుభవాన్ని ట్రంప్ వివరించారు.
ఆ వస్తువు ఏరోడైనమిక్ డిజైన్‌కు భిన్నంగా పూర్తిగా గుండ్రటి ఆకారంలో ఉందని ఆయన చెప్పారు. సాధారణ విమానాలు లేదా సుపరిచితమైన వైమానిక వాహనాలు కనిపించలేదని పేర్కొన్నారు. అయితే ఈ ఘటన ఎప్పుడు, ఎక్కడ జరిగిందనే వివరాలను ట్రంప్ వెల్లడించలేదు.
ప్రభుత్వానికే తెలియకుండా UFO పరిశోధనలా?
ఈ వ్యవహారంలో మరో ఆసక్తికరమైన కూడా ట్రంప్ ప్రస్తావించారు. ప్రభుత్వం రహస్యంగా UFOలపై అమెరికా పరిశోధనలు జరుగుతున్నాయా? అలాంటి కార్యక్రమాలు తనకు తెలియకుండానే కొనసాగుతున్నాయా? అనే విచారణ జరిపిస్తానని హామీ ఇచ్చారు. ప్రభుత్వంలోని కొన్ని విభాగాలు గుర్తుతెలియని వైమానిక వస్తువులపై రహస్య పరిశోధనలు చేస్తున్నాయనే ఆరోపణలు, ప్రచారాల నేపథ్యంలో ఆయన ప్రాధాన్యత సంతరించుకున్నాయి.
నిజంగానే గ్రహాంతరవాసుల వాహనాలా?
UFO అనే పదం వినగానే గ్రహాంతరవాసులు, ఇతర గ్రహాల నుంచి వచ్చిన వాహనాలు గుర్తుకొస్తాయి. అయితే గుర్తుతెలియని ఎగిరే వస్తువు కనిపించిందంటే అది తప్పనిసరిగా ఏలియన్లకు సంబంధించినదని అర్థం కాదు. అది గుర్తించలేని విమానం, డ్రోన్, సహజ వాతావరణం దృగ్విషయం లేదా ఇతర సాంకేతిక వస్తువులు కూడా కావచ్చు.
ప్రస్తుతం ట్రంప్ వెల్లడించిన వివరాలకు సంబంధించిన వస్తువు స్వరూపం, దాని వేగం, రాడార్ ఆధారాలు, పైలట్ల అధికారిక నివేదిక వంటి అంశాలు బయటకు రావాల్సి ఉంది. అప్పటివరకు ఈ ఘటనపై స్పష్టమైన నిర్ధారణకు రావడం సాధ్యం కాదు.
అయితే ప్రపంచంలోనే అత్యాధునిక యుద్ధ విమానంగా పేరొందిన ఎఫ్-22ను మించిన వేగంతో గుండ్రటి వస్తువు వినియోగించిందన్న ట్రంప్ వ్యాఖ్యలు మాత్రం అమెరికాలో మరోసారి చర్చకు తెరలేపాయి. అసలు అది ఏమిటి? అమెరికా వద్ద ఉన్న రహస్య సాంకేతికతా? లేక ఇప్పటికీ శాస్త్రవేత్తలకు అంతుచిక్కని మరో వైమానిక వింతా? అన్నది తేలాల్సి ఉంది.
