సినిమా చేస్తే ప్రశంసించడం.. నచ్చకపోతే నచ్చలేదని చెప్పడం మామూలే. కానీ స్టార్ కుటుంబాలకు చెందినవారు తమ అభిప్రాయాలను బయటపెడితే మాత్రం ఆ చర్చ ఇంకాస్త ఎక్కువగానే ఉంటుంది. ఇప్పుడు సూపర్‌స్టార్‌ మహేశ్‌బాబు కుమారుడు గౌతమ్‌ ఘట్టమనేని విషయంలోనూ ఇదే జరుగుతోంది. నాని నటించిన ‘ది ప్యారడైజ్’ సినిమాకు ఆయన ఇచ్చిన రేటింగ్ ఇప్పుడు సోషల్‌ మీడియాలో హాట్‌ టాపిక్‌గా మారింది.
గౌతమ్‌ తన లెటర్‌బాక్స్‌ (లెటర్‌బాక్స్‌డ్) ఖాతాలో ‘ది ప్యారడైజ్’ సినిమాను రివ్యూ చేస్తూ ఐదింటికి ఒక స్టార్ మాత్రమే ఇచ్చాడు. సినిమాటోగ్రఫీ, ఎమోషనల్‌ సన్నివేశాల్లో నటినటుల నటన నచ్చాయని సినిమాలో నటించింది. అయితే మిగతా అంశాలేవీ తనను ఆకట్టుకోలేదని అసంతృప్తి వ్యక్తం చేశాడు.
“సినిమాటోగ్రఫీ, ఎమోషనల్‌ సన్నివేశాల్లో నటీనటుల నటన నచ్చింది. మిగిలిన ఏదీ నచ్చలేదు. చాలా నిరాశపరిచింది. ఎడిటింగ్ కూడా చాలా దారుణంగా ఉంది” అంటూ గౌతమ్‌ తన రివ్యూలో ఎక్కువైంది.
గౌతమ్‌ సినిమాలపై తన అభిప్రాయాలను నిర్మొహమాటంగా వెల్లడించడం ఇదే మొదటిసారి కాదు. గతంలో యశ్ నటించిన ‘టాక్సిక్’ సినిమాకు కూడా ఆయన అర స్టార్ రేటింగ్ ఇచ్చాడు. తన తండ్రి మహేశ్‌బాబు సినిమాలకు సైతం తక్కువ రేటింగ్‌లు ఇచ్చిన సందర్భాలు ఉన్నాయి.. గౌతమ్‌ రివ్యూలు తరచూ వార్తల్లో నిలుస్తున్నాయి.
నాని ప్రధాన పాత్రలో శ్రీకాంత్‌ ఓదెల దర్శకత్వం వహించిన ‘ది ప్యారడైజ్’ థియేటర్లలో విడుదలైనప్పటి నుంచే భిన్నమైన స్పందన అందుకుంది. కథాంశం, నాని నటన, సినిమాటోగ్రఫీ వంటి ప్రశంసలు వచ్చినప్పటికీ.. కథనంలో వేగం, ఎడిటింగ్, కొన్ని సన్నివేశాలపై విమర్శలు వ్యక్తమయ్యాయి.
ఇటీవల ఈ సినిమా నెట్‌ఫ్లిక్స్‌లోకి వచ్చిన తర్వాత కూడా చర్చ కొనసాగుతోంది. ఓటీటీ వెర్షన్‌లో కొన్ని మార్పులు చేయడం కూడా ప్రేక్షకుల దృష్టిని ఆకర్షించింది. ఈ నేపథ్యంలో గౌతమ్‌ ఇచ్చిన వన్ స్టార్ రేటింగ్ సినిమాపై మరోసారి చర్చకు కారణమైంది.
ఇది కూడా చదవండి: ‘ఫౌజీ’లో ప్రభాస్ విధ్వంసం.. ఆ 15 నిమిషాల యాక్షన్ ఎపిసోడ్‌కి థియేటర్లు షేక్ అవుతాయి.!
[The Paradise One Star Rating, Gautam Ghattamaneni, Letterboxd Review, Mahesh Babu Son Gautam, The Paradise Movie, The Paradise OTT, Nani Paradise OTT, Telugu Film News]
