తెలుగు వెండితెరపై ‘అదుర్స్’ సినిమాలో చారి పాత్రతో ఎన్టీఆర్ పండించిన కామెడీ ప్రేక్షకులు ఎప్పటికీ మర్చిపోలేరు. ఆ తర్వాత వరుసగా భారీ మాస్, యాక్షన్ చిత్రాలతోనే గడిపిన తారక్, మళ్లీ ఇన్నేళ్లకు పూర్తిస్థాయి వినోదాత్మక చిత్రం గ్రీన్ సిగ్నల్ ఇచ్చారు. నాన్స్టాప్ కామెడీ ఎంటర్టైనర్లకు పెట్టింది పేరైన డైరెక్టర్ అనిల్ రావిపూడితో ఎన్టీఆర్ జతకట్టబోతున్నట్లు అధికారిక ప్రకటన వచ్చేసింది. ఎన్టీఆర్ సోషల్ మీడియా వేదికగా ఈ క్రేజీ ప్రాజెక్ట్ను కన్ఫర్మ్ చేయడంతో, బాక్సాఫీస్ వద్ద మరో ‘అదుర్స్’ రేంజ్ నవ్వుల జాతర ఖాయమని అభిమానులు సంబరాలు చేసుకుంటున్నారు.
ఎవరూ ఊహించని ఈ క్రేజీ కాంబినేషన్ను ఎన్టీఆర్ పెట్టిన పోస్ట్ ఇప్పుడు నెత్తింట తుఫాను సృష్టిస్తోంది. “ఇది కచ్చితంగా ఒక నవ్వుల జాతర కాబోతోంది” అంటూ అనిల్ రావిపూడిని ట్యాగ్ చేస్తూ #NTRxAnilRavipudi హ్యాష్ట్యాగ్తో తారక్ ట్వీట్ చేశారు. ఈ పోస్ట్లో తన సోదరుడు నందమూరి కళ్యాణ్ రామ్, సొంత నిర్మాణ సంస్థ ఎన్టీఆర్ ఆర్ట్స్లను కూడా ట్యాగ్ చేశారు. దీనిని బట్టి ఎన్టీఆర్ ఆర్పై కళ్యాణ్ రామ్ ఈ చిత్రానికి ఎంతో ప్రతిష్టాత్మకంగా నిర్మించబోతున్నట్లు స్పష్టమవుతోంది.
సాధారణంగా ఎన్టీఆర్ సినిమా అంటే హై-వోల్టేజ్ యాక్షన్, గుండెల్ని పిండేసే ఎమోషన్స్ ఉంటాయి. అలాంటి పవర్ఫుల్ హీరోకు, మొదటి నుంచి చివరి వరకు థియేటర్లను నవ్వులతో హోరెత్తించే అనిల్ రావిపూడి మార్క్ టైమింగ్ తోడైతే అంచనాలు ఏ స్థాయిలో ఉంటాయో ప్రత్యేకంగా చెప్పనక్కర్లేదు. తారక్లోని అద్భుతమైన కామెడీ యాంగిల్ను అనిల్ రావిపూడి ఏ విధంగా బయటకు తీస్తారోనని సినీ ప్రియులు ఆసక్తిగా ఉన్నారు. ఈ సర్ప్రైజ్ అనౌన్స్మెంట్తో #NTRxAnilRavipudi హ్యాష్ట్యాగ్ క్షణాల్లోనే నేషనల్ వైడ్ ట్రెండింగ్లోకి దూసుకెళ్లింది. “మరో అదుర్స్ లోడింగ్”, “తారక్ కామెడీ టైమింగ్కు అనిల్ రావిపూడి మార్క్ తోడైతే రికార్డులు బద్దలవ్వడం ఖాయం” అంటూ అభిమానులు కామెంట్ల వర్షం కురిపిస్తున్నారు. ఈ సినిమాకు సంబంధించిన మరిన్ని వివరాలు, షూటింగ్ అప్డేట్స్ త్వరలో రానున్నాయి.
The post మరో అదుర్స్ అవుతుందా? iDreamPostలో మొదట కనిపించారు.
