టాలీవుడ్ సెన్సిబుల్ డైరెక్టర్ వివేక్ ఆత్రేయ తదుపరి సినిమాపై ఫిల్మ్ నగర్లో ఆసక్తికర చర్చ నడుస్తోంది. నానితో ‘సరిపోదా శనివారం’ హిట్ అందుకున్న తర్వాత, ఈ యంగ్ డైరెక్టర్ ఎవరితో జతకట్టబోతున్నారనే దానిపై రకరకాల వార్తలు వినిపించాయి. తాజాగా వినిపిస్తున్న సమాచారం ప్రకారం, వివేక్ ఆత్రేయ తన నెక్స్ట్ ప్రాజెక్ట్ను మాస్ మహారాజా రవితేజతో పట్టాలెక్కించేందుకు సిద్ధమయ్యారు.
నిజానికి వివేక్ ఆత్రేయ మొదట నందమూరి బాలకృష్ణ కోసం ఒక పవర్ ఫుల్ కథను సిద్ధం చేసారు. వీరిద్దరి కాంబినేషన్లో సినిమా దాదాపు ఖాయమనే ప్రచారం కూడా గట్టిగానే జరిగింది. అయితే, బాలయ్య ప్రస్తుతం కొరటాల శివ దర్శకత్వంలో సినిమా కోసం గ్రీన్ సిగ్నల్ ఇవ్వడంతో వివేక్ ప్రాజెక్ట్ ప్రస్తుతం పక్కకు వెళ్ళింది. బాలయ్య కాల్షీట్లు దొరకడం కష్టమని భావించిన దర్శకుడు, వేచి చూడకుండా తన తదుపరి అడుగులు వేగంగా వేశాడు.
బాలయ్యతో సినిమా అటకెక్కడంతో వివేక్ ఆత్రేయ వెంటనే మాస్ రాజా రవితేజను సంప్రదించారు. అయితే బాలయ్య కోసం రాసుకున్న కథతో కాకుండా, రవితేజ బాడీ లాంగ్వేజ్కు సరిపోయే మరో కొత్త కథను ఆయనకు వినిపించారు. ఈ వైవిధ్యమైన కథాంశం రవితేజకు బాగా నచ్చడంతో వెంటనే ఈ ప్రాజెక్ట్కు గ్రీన్ సిగ్నల్ ఇచ్చేసినట్లు తెలుస్తోంది. వివేక్ ఆత్రేయ మార్క్ ట్రీట్మెంట్కు రవితేజ ఎనర్జీ తోడైతే బాక్సాఫీస్ వద్ద సందడి మామూలుగా ఉండదని ఫ్యాన్స్ ఆశిస్తున్నారు.
ప్రస్తుతం రవితేజ ‘ఇరుముడి’ సినిమాతో ప్రస్తుతం ఉన్నారు. శివ నిర్వాణ దర్శకత్వంలో మైత్రీ మూవీ మేకర్స్ ఈ చిత్రంలో రవితేజ తండ్రీ కూతుర్ల సెంటిమెంట్తో కూడిన యాక్షన్ రోల్లో కనిపించబోతున్నారు. ఈ మూవీ షూటింగ్ వెంటనే వివేక్ ఆత్రేయ ప్రాజెక్ట్ పట్టాలెక్కే అవకాశం ఉంది. గతంలో ‘బ్రోచేవారెవరురా’, ‘అంటే సుందరానికీ’ వంటి సినిమాలతో తనదైన శైలిని చాటుకున్న వివేక్, రవితేజను ఎలా ప్రెజెంట్ చేస్తారో చూడాలి.
ఈ క్రేజీ కాంబోపై సోషల్ మీడియాలో అప్పుడే భారీ అంచనాలు మొదలయ్యాయి. మాస్ రాజా అభిమానులు వివేక్ ఆత్రేయ రైటింగ్ అండ్ టేకింగ్ కోసం ఆసక్తిగా ఉన్నారు. త్వరలోనే ఈ మూవీకి సంబంధించిన అఫీషియల్ అనౌన్స్మెంట్ రానుంది. అటు రవితేజ ఇరుముడి, ఇటు వివేక్ ఆత్రేయ నయా ప్రాజెక్ట్.. రెండు కూడా టాలీవుడ్ బాక్సాఫీస్ వద్ద హీట్ పెంచడం ఖాయంగా మారింది.
