.WEBP)
తెలుగు సినీ చరిత్రలో విలక్షణమైన ప్రయోగాలకు కేరాఫ్ అడ్రస్ సింగీతం శ్రీనివాసరావు. మూకీ సినిమా ‘పుష్పక విమానం’ అయినా, సైన్స్ ఫిక్షన్ ‘ఆదిత్య 369’ అయినా ఆయనకే సాధ్యం. దాదాపు పదేళ్ల విరామం తర్వాత, 90 ఏళ్ల వయసులో ఈ దిగ్గజ దర్శకుడు మళ్ళీ మెగా ఫోన్ పట్టారు. తన డ్రీమ్ ప్రాజెక్ట్ ‘SSR61’ కోసం ఆయన ‘కల్కి’ దర్శకుడు నాగ్ అశ్విన్తో జతకట్టడం ఇప్పుడు టాలీవుడ్లో హాట్ టాపిక్గా మారింది.
ఈ ప్రాజెక్ట్ వెనుక ఒక ఆసక్తికరమైన కథ ఉంది. సింగీతం శ్రీనివాసరావు ఈ చిత్ర కథను దాదాపు 40 ఏళ్ల క్రితమే రాసుకున్నారు. అప్పట్లో ఎంతో మంది హీరోలు, నిర్మాతలను సంప్రదించడం, వివిధ కారణాల వల్ల ఈ ప్రాజెక్ట్ పట్టాలెక్కలేదు. కానీ, ఆయనలోని ఆశావహ దృక్పథం మాత్రం తగ్గలేదు. వైజయంతి మూవీస్ అధినేత అశ్వినీత్, నాగ్ అశ్విన్ ఈ కథలోని లోతును గుర్తించి, ఆయన కథను నిజం చేసేందుకు నిర్మాతగా బాధ్యతలు చేపట్టారు.
ఇటీవల నాగ్ అశ్విన్ పుట్టినరోజు సందర్భంగా విడుదలైన ‘బిహైండ్ ది సీన్స్’ వీడియో ప్రేక్షకులను విశేషంగా ఆకట్టుకుంది. ప్రస్తుతం హైదరాబాద్ శివారులలో, ‘కల్కి 2898 AD’ సెట్స్కు సమీపంలోనే ఈ సినిమా కోసం ప్రత్యేకంగా ఒక పల్లెటూరి వాతావరణాన్ని ప్రతిబింబించే సెట్ వేశారు. ఒక స్టార్ డైరెక్టర్ అయి ఉండి కూడా, నాగ్ అశ్విన్ ఈ సినిమా సెట్స్ పై ఒక సాధారణ అసిస్టెంట్ లాగా మారిపోయి సింగీతం కి అండగా నిలుస్తున్నారు. స్క్రిప్ట్ డిస్కషన్స్ నుండి షూటింగ్ పర్యవేక్షణ వరకు ప్రతి విషయంలోనూ నాగి చూపిస్తున్న డెడికేషన్ చూసి నెటిజన్లు ప్రశంసలు కురిపిస్తున్నారు.
ఈ సినిమా పక్కా రూరల్ ఎంటర్టైనర్గా ఉండబోతోంది. సింగీతం మార్క్ హ్యూమర్, ఎమోషన్స్ ఇందులో ప్రధాన ఆకర్షణ. ఈ చిత్రం రాక్స్టార్ దేవి శ్రీ ప్రసాద్ సంగీతం అందిస్తుండటం విశేషం. సింగీతం లాంటి క్లాసిక్ మేకర్కి, డీఎస్పీ లాంటి ఎనర్జీటిక్ మ్యూజిక్ డైరెక్టర్ తోడవ్వడం సినిమాపై అంచనాలను పెంచుతోంది. త్వరలోనే ఈ అధికారిక అధికారిక టైటిల్ మరియు టీజర్ను విడుదల చేయడానికి చిత్ర బృందం సన్నద్ధమవుతోంది.
వయసు కేవలం అంకెనని నిరూపిస్తూ సింగీతం శ్రీనివాసరావు చేస్తున్న ఈ ప్రయత్నం అభినందనీయం. పాత తరం అనుభవం, కొత్త తరం ఆలోచనలు (నాగ్ అశ్విన్) కలిస్తే వచ్చే అవుట్పుట్ ఎలా ఉంటుందో చూడాలని సినీ అభిమానులు ఆసక్తిగా చూపుతున్నారు. 40 ఏళ్ల నిరీక్షణ తర్వాత రూపుదిద్దుకుంటున్న ఈ ‘SSR61’ తెలుగు సినీ చరిత్రలో మరో మైలురాయిగా నిలుస్తుందని ఆశిద్దాం.
