దీపావళి పండుగ అంటేనే కాంతులు, మిఠాయిలు మరియు అద్భుతమైన టపాసుల శబ్దాలు. కానీ ప్రతి ఏటా దీపావళి సమయంలో ఎమర్జెన్సీ వార్డుల్లో కాలిపోయిన గాయాలతో వచ్చే వారి సంఖ్య భారీగా పెరుగుతుంటుంది. అకస్మాత్తుగా టపాసులు పేలడం, దివ్య కింద పడడం లేదా స్పార్క్లర్ తాకడం వల్ల క్షణాల్లో ప్రమాదం. ఈ ఆందోళనకరమైన క్షణంలో చాలా మంది వెన్న, టూత్‌పేస్ట్ లేదా ఐస్ క్యూబ్స్ వంటి తప్పుడూ ఇంటి చిట్కాలను ఆశ్రయిస్తారు. కానీ ఇలాంటి వాటి వల్ల గాయం మరింత తీవ్రమయ్యే ప్రమాదం ఉందని వైద్యులు హెచ్చరిస్తున్నారు. కాబట్టి, ప్రమాదం జరిగిన వెంటనే మొదటి ఐదు నిమిషాల్లో మనం తీసుకోవాల్సిన అత్యవసర చర్యలు ఏమిటో తెలుసుకోవడం చాలా ముఖ్యం.
ప్రొఫెసర్ ఎస్.ఎం. ఫయాజ్ (కిమ్స్ హాస్పిటల్స్, మహాదేవపుర ఇంటర్నల్ మెడిసిన్ లీడ్ అండ్ సీనియర్ కన్సల్టెంట్) ప్రకారం, ముందుగా ప్రమాదానికి గురిచేసిన ప్రదేశం లేదా వస్తువు నుండి దూరంగా జరగాలి. ఆ తర్వాత కాలిపోయిన సుమారు 20 నిమిషాల పాటు చల్లటి పారుతున్న నీటి కింద ఉంచాలి. వెంటనే వేలికి ఉన్న ఉంగరాలు, గాజులు, గడియారాలు లేదా బిగుతుగా ఉన్న వస్తువులను తొలగించాలి. గాయంపై ఎలాంటి ఐస్, వెన్న, టూత్‌పేస్ట్ లేదా ఇతర సాంప్రదాయ ఇంటి చిట్కాలను పూయకూడదని, శుభ్రమైన, నూలు పీచులు లేని డ్రెస్సింగ్‌తో మాత్రమే దానిని వదులుగా కప్పాలని ఆయన సూచిస్తున్నారు.
ఈ కాలిన గాయాల చికిత్సలో చల్లటి నీటితో కడగడం ఎందుకు అంత ముఖ్యమంటే, మనం ప్రమాద ప్రాంతం నుండి దూరంగా జరిగినప్పటికీ వేడి చర్మం లోపలి పొరల్లో అలాగే ఉండిపోయి నిమిషాల పాటు కణజాలాన్ని దెబ్బతీస్తూనే ఉంటుంది. చల్లటి నీరు ఆ వేడిని బయటకు లాగి లోతుగా గాయం కాకుండా నియంత్రిస్తుంది. ఇది నొప్పి, వాపు తగ్గుతుంది. అయితే మరీ చల్లటి ఐస్ వాటర్ వాడితే రక్తనాళాలు కుంచించుకుపోయి చర్మానికి మరింత నష్టం వాటిల్లింది. ఆస్ట్రేలియన్ ఎమర్జెన్సీ కేర్ జర్నల్‌లో ప్రచురితమైన 2022 నాటి పరిశోధన ప్రకారం, మూడు గంటల్లోపు 20 నిమిషాల పాటు చల్లటి నీటిని ప్రవహింపజేయడం వల్ల స్కిన్ గ్రాఫ్ట్‌లు లేదా శస్త్రచికిత్స అవసరమయ్యే ప్రమాదం తగ్గుతుందని తేలింది.
(5).webp)
అదేవిధంగా నెయ్యి, నూనె, టూత్‌పేస్ట్ లేదా పసుపు, పిండి వంటి పదార్థాలను పూయడం వల్ల వేడి అక్కడే బందీ అయిపోయి ఇన్‌ఫెక్షన్ ముప్పు పెరుగుతుంది. బ్లిస్టర్స్ (పొక్కులు) ఏర్పడితే వాటిని బలవంతంగా పగలగొట్టకూడదు. ఎందుకంటే పొక్కు అనేది కొత్త చర్మాన్ని రక్షించే సహజమైన రక్షణ కవచం లాంటిది. ఇండియన్ జర్నల్ ఆఫ్ బర్న్స్ ప్రకారం, 2016 నుండి 2020 మధ్య దీపావళి సమయంలో గూహాటి ఆసుపత్రిలో చేరిన 195 మంది కాలిన గాయాల బాధితుల్లో 54.3 శాతం మంది టపాసుల వల్ల గాయపడినవారే కాగా, అందులో 46.2 శాతం మంది 19 సంవత్సరాల లోపు వారే ఉన్నారు. ఇందులో అత్యధికంగా 54 శాతం మందికి కుడిచేయి కాలిపోయినట్లు వెల్లడైంది.
ఇది కూడా చదవండి:సహజంగా, అందమైన కళ్ల కోసం, ఈ 800 ఏళ్ల నాటి ఆయుర్వేద మార్గం ట్రై చేయండి!
గాయం అరచేతి కంటే పెద్దదిగా ఉన్నా, ముఖం, మెడ, చేతులు, కాళ్లు, జననేంద్రియాలపై లేదా కీళ్లపై తీవ్రంగా కాలిపోయినా, చర్మం తెలుపు లేదా నల్లగా కాలిపోయినా, పిల్లలు, వృద్ధులు, గర్భిణీలు లేదా మధుమేహం ఉన్నవారికి గాయాలు అయిన వెంటనే 112 లేదా 108 కి కాల్ చేసిన వెంటనే ఆసుపత్రికి వెళ్లాలి.
ముఖ్యంగా కంటికి టపాసుల నిప్పు రవ్వలు తగిలితే ఎట్టి పరిస్థితుల్లోనూ కళ్లను రుద్దకూడదు. శుభ్రమైన నీటితో సున్నితంగా కడిగి వెంటనే సంప్రదించాలి. పండుగ ఆనందాన్ని ఇస్తూనే, పిల్లలను సురక్షిత దూరంలో ఉంచుతూ తగిన జాగ్రత్తలు పాటించడం ద్వారా అవాంఛనీయ ప్రమాదాల బారిన పడకుండా ఉండవచ్చు.
మీకు నచ్చవచ్చు: నిపుణులు, హెచ్చరిస్తున్న మధుమేహం తెచ్చే ,4 హానికరమైన ఆహారాలు!
ఏఐ వల్ల మరో ప్రాణం గాల్లోకి.. వైద్యుల హెచ్చరికలను కాదని చాట్‌జీపీటీని నమ్మి మహిళ మృతి!
దీపావళి బర్న్ ఫస్ట్ ఎయిడ్, ఫైర్‌క్రాకర్ హ్యాండ్ బర్న్స్, బాణసంచా గాయం చికిత్స, మొదటి 5 నిమిషాల బర్న్ కేర్, ఫెస్టివల్ సేఫ్టీ గైడ్, డాక్టర్ హెల్త్ అడ్వైస్, హెల్త్ టిప్స్ తెలుగులో.
