సంక్రాంతి బరిలో బాలయ్య!
గోపీచంద్ మలినేని ప్లేస్ లో హరీష్ శంకర్!
నిర్మాత నాగవంశీ ప్లాన్ ఏంటి?
నందమూరి బాలకృష్ణ(Nandamuri Balakrishna) తన 111వ చిత్రాన్ని గోపీచంద్ మలినేని దర్శకత్వంలో చేస్తున్నారు. వృద్ధి సినిమా నిర్మాణం ఈ ప్రాజెక్ట్ ని 2027 సంక్రాంతికి విడుదల చేయడానికి సిద్ధంగా వార్తలొచ్చాయి. అయితే ఇప్పుడు ఆ స్థానంలో బాలయ్య నటించే మరో సినిమా రాబోతుందని, దానికి హరీష్ శంకర్(హరీష్ శంకర్) దర్శకుడన్న వార్త ఆసక్తికరంగా మారింది.
బాలకృష్ణ, హరీష్ శంకర్ కాంబినేషన్ లో సినిమా అని గతంలోనే వార్తలొచ్చాయి. అయితే ఇప్పుడు ఆ ప్రాజెక్ట్ లో కదలికలు కనిపిస్తున్నాయి. సితార ఎంటర్టైన్మెంట్స్ దీనిని నిర్మించనుందట. నిర్మాత నాగవంశీ ఈ సినిమాని ఎలాగైనా 2027 సంక్రాంతికి తీసుకురావాలని ప్లాన్ చేస్తున్నారు.
సంక్రాంతి సీజన్ లో కమర్షియల్ ఎంటర్టైనర్స్ కి మంచి ఆదరణ ఉంటుంది. అందుకే బాలకృష్ణ, హరీష్ శంకర్ కాంబోలో అన్ని కమర్షియల్ ఎలిమెంట్స్ తో ఒక మంచి ఎంటర్టైనర్ ను ప్లాన్ చేస్తున్నారు. ఇప్పటికే హరీష్ శంకర్ స్టోరీ లైన్ చెప్పగా.. బాలయ్యకు నచ్చినట్లు సమాచారం.
హరీష్ ప్రస్తుతం పవన్ కళ్యాణ్ తో ‘ఉస్తాద్ భగత్ సింగ్’ చేస్తున్నారు. ఇది ఈ మార్చి 26న ప్రేక్షకుల ముందుకు రానుంది. దీని తర్వాత బాలయ్య ప్రాజెక్ట్ కి సంబంధించిన స్క్రిప్ట్ వర్క్ ను పూర్తి చేయనున్నారట హరీష్ శంకర్. 2026 ద్వితీయార్థంలో షూట్ మొదలుపెట్టి, 2027 సంక్రాంతికి సినిమాను విడుదల చేయాలనేది ప్లాన్.
ఇది కూడా చదవండి: మెగా ఛాన్స్ కొట్టేసిన డైరెక్టర్ మారుతి!
వచ్చే సంక్రాంతికి బాలకృష్ణ-హరీష్ శంకర్ సినిమా వస్తే.. మరి ‘NBK 111’ పరిస్థితి ఏంటనే చర్చ నడుస్తోంది. నిజానికి ‘NBK 111’ ను మొదట హిస్టారికల్ ఫిల్మ్ గా ప్లాన్ చేశారు. ఆ తర్వాత గ్యాంగ్ స్టర్ ఫిల్మ్ గా మార్చారు. హిస్టారికల్ ఫిల్మ్ కాఫ్ భారీ సెట్స్, వీఎక్స్ వర్క్ తో అవసరం కనుక.. ఎక్కువ సమయం పట్టకపోవచ్చు. పక్కా ప్లానింగ్ తో.. వచ్చే మూడు, నాలుగు నెలల్లో బాలయ్య పార్ట్ షూటింగ్ ని కంప్లీట్ చేయనున్నారట. 2026 చివరిలో ఈ సినిమాని విడుదల చేయాలనేది నిర్మాతల ఆలోచన అంటున్నారు.
ఇక ‘NBK 111’ షూటింగ్ పూర్తయ్యేలోపు.. హరీష్ శంకర్ ప్రాజెక్ట్ కి సంబంధించిన ప్రీ ప్రొడక్షన్ వర్క్ పూర్తవుతుంది. ఒకవేళ అనుకున్నదానికన్నా ముందే ప్రీ ప్రొడక్షన్ పూర్తయితే.. కావాలంటే రెండు సినిమాలు పారలల్ గా చేసే ఆలోచనలో కూడా బాలకృష్ణ ఉన్నారట.
మొత్తానికి దర్శకులు గోపీచంద్ మలినేని, హరీష్ శంకర్ లతో బాలకృష్ణ చేయనున్న సినిమాలు.. తక్కువ గ్యాప్ తోనే ప్రేక్షకుల ముందుకు రానున్నాయని సమాచారం.
