దక్షిణ బ్రెజిల్లోని రియో గ్రాండే సుల్ రాష్ట్రంలో ఘోర విమాన ప్రమాదం జరిగింది. ఒక చిన్న ప్రైవేట్ విమానం టేకాఫ్ అయిన కొద్దిసేపటికే నియంత్రణ కోల్పోయింది సమీపంలోని ఒక రెస్టారెంట్పైకి దూసుకెళ్లింది. ఈ ప్రమాదంలో విమానంలో ప్రయాణిస్తున్న నలుగురు వ్యక్తులు అక్కడికక్కడే ప్రాణాలు కోల్పోయారు. ప్రమాద ధాటికి విమానం పేలిపోయి పెద్ద ఎత్తున మంటలు చెలరేగడంతో ఆ ప్రాంతమంతా దట్టమైన పొగతో నిండిపోయింది.
స్థానిక మీడియా కథనాల ప్రకారం.. కాపావో డా కానోవా విమానాశ్రయం నుండి బయలుదేరిన ‘పైపర్ మాలిబు’ రకానికి చెందిన కొద్దిపాటి విమానం, గాలిలోకి ఎగిరిన సేపటికే రన్వే చివర ఉన్న ఒక విద్యుత్ స్తంభాన్ని ఢీకొట్టింది. ఆ తర్వాత వేగంగా కిందకు వచ్చి నివాస ప్రాంతంలోని ఒక రెస్టారెంట్పై కూలిపోయింది. మృతుల్లో ఇద్దరు వ్యాపారవేత్తలు, ఒక పైలట్ మరియు కో-పైలట్ ఉన్నట్లు అధికారులు గుర్తించారు.
ప్రమాదం జరిగిన సమయంలో రెస్టారెంట్ లోపల ఎవరూ లేకపోవడం పెద్ద ఊరటనిచ్చింది. మరమ్మతు పనుల కోసం సదరు రెస్టారెంట్ను యజమాని తాత్కాలికంగా మూసి ఉంచారు. ఒకవేళ అది తెరిచి ఉండి ఉంటే మృతుల సంఖ్య భారీగా పెరిగిందని ప్రత్యక్ష సాక్షులు పేర్కొన్నారు. ప్రమాద దృశ్యాలు సమీపంలోని సిసిటివి కెమెరాల్లో రికార్డయ్యాయి, విమానం కూలగానే భారీ అగ్నిగోళంలా మారడం అందులో స్పష్టంగా కనిపించింది.
ఈ ఘటనపై రియో గ్రాండే దో సుల్ గవర్నర్ ఎడ్వర్డో లైట్ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ఆయన ప్రగాఢ సానుభూతి తెలిపారు. ప్రమాదం జరిగిన వెంటనే పౌర రక్షణ దళాలు (Civil Defense) రంగంలోకి దిగి మంటలను అదుపు చేశాయి. ప్రమాద స్థలం చుట్టుపక్కల ఉన్న నివాసితులను భద్రతా కారణాల దృష్ట్యా అధికారులు తక్షణమే ఖాళీ చేయించారు.
ప్రస్తుతం ఈ ప్రమాదానికి గల కారణాలపై బ్రెజిల్ విమానయాన అధికారులు లోతైన విచారణ కోసం. విమానంలో ఏదైనా సాంకేతిక లోపం తలెత్తిందా లేక పైలట్ తప్పిదమా అనే కోణంలో దర్యాప్తు చేస్తున్నారు. విమాన శిధిలాలను సేకరించి ఫోరెన్సిక్ పరీక్షలకు పంపారు.
విమానం కూలిన సమయంలో సమీపంలో ఉన్న కొందరు వ్యక్తులు ప్రాణభయంతో పరుగులు తీయడం అక్కడి భీకర పరిస్థితికి అద్దం పడుతోంది. ఈ అంతర్జాతీయ ఘటన విమానయాన భద్రతపై మరోసారి చర్చకు దారితీసింది. విచారణ పూర్తయిన తర్వాత ప్రమాదానికి గల పూర్తి వివరాలు తెలిసే అవకాశం ఉంది.
