తారాగణం: అభిషన్ జీవింత్, అనస్వర రాజన్, హరీష్ కుమార్, కావ్య అనిల్, సచిన్ నాచియప్పన్, తేని మురుగన్, శరవణన్, ఆర్జే అనంతి
డీఓపీ: శ్రేయాస్ కృష్ణ
ఎడిటింగ్: సురేష్ కుమార్
సంగీతం: షాన్ రోల్డాన్
కథ, దర్శకత్వం: మధన్
నిర్మాతలు: సౌందర్య రజినీకాంత్, పసిలియన్ నజరత్, మగేష్ రాజ్ పసిలియన్
విడుదల తేదీ: ఫిబ్రవరి 6, 2026
‘టూరిస్ట్ ఫ్యామిలీ’ చిత్రంతో దర్శకుడిగా ప్రశంసలు అందుకున్న అభిషన్ జీవింత్, ఇప్పుడు హీరోగా ‘విత్ లవ్’ సినిమాతో ప్రేక్షకుల ముందుకు వచ్చాడు. ఆయనకు జోడీగా మలయాళంలో మంచి పేరు తెచ్చుకున్న అనస్వర రాజన్ నటించారు. సౌందర్య రజినీకాంత్ ఈ నిర్మాణం నిర్మించడం విశేషం. ప్రేమ, జ్ఞాపకాలు, పాత క్రాష్ల నేపథ్యంతో సాగే ఈ రొమాంటిక్ డ్రామా ఎలా ఉందో చూద్దాం. (ప్రేమ సినిమా సమీక్షతో)
కథ:
పెళ్లిపై ఆసక్తి లేని సత్య( అభిషన్ జీవింత్), తన సోదరి కారణంగా అనుకోకుండా పెళ్లి చూపుల కోసం మోనిషా (అనస్వర రాజన్)ను కలుస్తాడు. అలా కలిసిన తర్వాత వాళ్లిద్దరూ ఒకే స్కూల్లో చదువుకుంటున్నారని.. సీనియర్, జూనియర్ అని తెలుసుకుంటారు. అలా మాటల్లో స్కూల్ లవ్ స్టోరీలు షేర్ చేసుకుంటారు. స్కూల్ టైంలో తమ ప్రేమని వ్యక్తపరచలేనప్పుడు ఆ క్రష్ లను ఇప్పుడు కలవాలి అనుకుంటారు. పాత జ్ఞాపకాలను వెలికితీస్తూ మొదలైన వీరి ప్రయాణం ఎలా సాగింది? పాత ప్రేమలు పట్టాలెక్కాయా లేక కొత్త ప్రేమలు చిగురించాయా? అనేది సినిమా చూసి తెలుసుకోవాలి.
విశ్లేషణ:
నటుడిగా అభిషన్ జీవించి మంచి ప్రదర్శన ఇచ్చాడు. స్కూల్ బాయ్ లుక్లోనూ, పెళ్లికి సిద్ధమైన యువకుడి పాత్రలోనూ సహజంగా కనిపించాడు. అతని కళ్లలో భావాలు బాగా పలికాయి. ఈ ప్రేమకథలో అతని ప్రత్యేకమైన స్క్రీన్ ప్రెజెన్స్ ఆకట్టుకుంది.
అనస్వర రాజన్ పాత్ర తెలుగు, తమిళ ప్రేక్షకులకు ఒక కొత్త అనుభూతి. మలయాళంలో చేసిన కొంత సీరియస్ పాత్రలకంటే, ఈ చిత్రంలో ఆమె బాబ్లీ పాత్రలో ఎంతో చురుకుగా, సహజంగా కనిపించింది. సున్నితమైన భావోద్వేగాలను ఆమె చక్కగా పలికించింది. కొన్నిసార్లు అభిషన్ కంటే కూడా అనస్వర తనదైన చమత్కారం, చురుకుదనంతో సన్నివేశాలకు మరింత అందాన్ని తీసుకొచ్చింది.
అభిషన్-అనస్వర మధ్య కెమిస్ట్రీ ఈ సాధారణ కథనాన్ని కూడా తాజాగా, ఆసక్తికరంగా మార్చింది. అయితే కొన్ని చోట్ల కథను వేగంగా ముందుకు తీసుకెళ్లే ప్రయత్నంలో.. మధుర క్షణాలను నిర్మించే అవకాశం ఉన్నా, అలాంటి ప్రయత్నం చేయకుండా.. వేరే సన్నివేశానికి తొందరపడుతున్నట్లు అనిపిస్తుంది.
సన్నివేశాల్లో ఆ తొందరపాటు చూపించకుండా మరిన్ని బ్యూటీఫుల్ మూమెంట్స్ క్రియేట్ చేసి ఉంటే సినిమా మరింత ప్రత్యేకంగా నిలిచేది. నిర్మాణ విలువలు, సాంకేతిక ప్రమాణాలు బాగా ఉన్నాయి. పెద్దగాదనం లేకపోయినా, ఒక సరళమైన ప్రేమకథను సున్నితంగా చూపించడంలో చిత్ర బృందం కొత్త విజయం.
ఇది సంచలనం సృష్టించగలిగే సినిమా కాకపోయినా, భారీ భావోద్వేగాలతో నిండిన సినిమా కాకపోయినా.. నిజాయితీగా, సహజంగా, సరదాగా అనిపించే క్షణాలను అందిస్తుంది. కథలోని మలుపులు ఊహించగలిగేవే అయినా, ప్రధాన తారాగణం మధ్య కెమిస్ట్రీ, సహజత్వం ఈ సినిమా ప్రధాన బలంగా నిలిచాయి. తొలి ప్రయత్నమే అయినా దర్శకుడు మధన్ ఓ అందమైన అందించాడు.
ఫైనల్ గా..
కథాకథనాలు గొప్పగా లేకపోయినా నిజాయితీగా, సహజంగా సాగే రొమాంటిక్ డ్రామాలను ఇష్టపడే వారికి ఈ సినిమా నచ్చుతుంది.
రేటింగ్: 2.75/5
నిరాకరణ: ఈ సమీక్షలో వ్యక్తీకరించబడిన అభిప్రాయాలు/అభిప్రాయాలు రచయిత పంచుకున్న వ్యక్తిగత అభిప్రాయాలు/అభిప్రాయాలు మరియు సంస్థ వాటికి బాధ్యత వహించదు. వీక్షకుల విచక్షణతో వారికి ప్రతిస్పందించే ముందు సలహా ఇవ్వబడుతుంది.
