15
డిసెంబర్ 5, 2025 9:43AMన పోస్ట్ చేయబడింది
ముంబై అంతర్జాతీయ విమానాశ్రయంలో మరోసారి భారీగా విదేశీ గంజాయి పట్టుబడింది. వివిధ విమానాల ద్వారా బ్యాంకాక్ నుంచి ముంబైకి చేరుకున్న స్మగ్లర్ల నుంచి 26 కోట్ల విలువ చేసే 26 కిలోల గంజాయిని కస్టమ్స్ అధికారులు సీజ్ చేశారు.
ఈ సందర్భంగా మొత్తం 9 మందిని అరెస్టు చేశారు. వేరువేరు విమానాల ద్వారా బ్యాంకాక్ నుంచి ముంబై చేరుకున్న వీరు.. లగేజ్ బ్యాగులు, డ్రైఫ్రూట్స్ ప్యాకెట్లు, వ్యక్తిగత వస్తువులలో అక్రమంగా తరలిస్తున్న విదేశీ గంజాయి అధికారుల తనిఖీల్లో బయటపడింది. దీంతో ఈ 9 మందిని అదుపులోనికి తీసుకుని కేసులు నమోదు చేశారు. వారి స్మగ్లింగ్ నెట్ వర్క్ పై దర్యాప్తు చేస్తున్నారు.
