.webp)
ఆంధ్రప్రదేశ్ సమగ్రాభివృద్ధి సాధించాలంటే వైపీపీ ఓటు బ్యాంకు భారీగా తగ్గాలని ముఖ్యమంత్రి నారా చంద్రబాబు అన్నారు. రాష్ట్రంలో రాజకీయ ప్రక్షాళన జరిగి, సుపరిపాలన మరింత బలోపేతం కావాలంటే ఆ పార్టీ ప్రభావం పూర్తిగా క్షీణించాల్సిన అవసరం ఉంది. స్థానిక ఎన్నికల నేపథ్యంలో తెలుగుదేశం, జనసేన, బీజేపీ శ్రేణులకు ఆయన టెలీకాన్ఫరెన్స్ ద్వారా దిశా నిర్దేశం చేశారు.
స్థానిక సన్నాహాలపై తెలుగుదేశం కూటమికి చెందిన దాదాపు 45 వేల మంది ముఖ్య నేతలు, ప్రజాప్రతినిధులు, కార్యకర్తలతో సీఎం చంద్రబాబు ఈ టెలీ కాన్ఫరెన్స్ నిర్వహించారు. ఈ సందర్భంగా ఆయన వైసీపీపై చంద్ర నిప్పులు చెరిగారు. రాష్ట్రంలో ప్రజా సంక్షేమం, అభివృద్ధి వేగంగా ముందుకు సాగుతున్న ఆయన, రాష్ట్ర అభివృద్ధిని అడ్డుకోవడానికి వైసీపీ తప్పుడు ప్రచారాలు చేస్తోందని దుయ్యబట్టారు. గతంలో అంటే అధికారంలో ఉన్న సమయంలో అనుసరించిన విధానాల వల్ల రాష్ట్రం అనేక ఇబ్బందులను ఎదుర్కొంటోంది, వాటిని కూటమి ప్రభుత్వం అధిగమిస్తూ ముందుకు సాగుతోందని అన్నారు.
వ్యవసాయం, యువత ఉపాధి కల్పన, నిరుద్యోగ యువతకు ఉపాధి అవకాశాలు వంటి అనేక తెలుగుదేశం కూటమి ప్రభుత్వం ప్రత్యేక దృష్టి సారించిందన్న ఆయన సంక్షేమ పథకాలను పారదర్శకంగా అర్హులైన ప్రతి ఒక్కరికీ అందించడమే లక్ష్యంగా ముందుకు సాగుతున్నారు.
ఈ సందర్భంగా పార్టీల మధ్య సమన్వయంపై విస్పష్ట మార్గదర్శకాలు జారీ చేశారు. చిన్నచిన్న అభిప్రాయ భేదాలను పక్కనపెట్టి, రాష్ట్ర భవిష్యత్తు కోసం మూడు పార్టీల శ్రేణులు ఏకతాటిపై నిలవాలని కోరారు. అనధికారికంగా లేదా రెబల్స్‌గా పోటీ చేసే ధోరణులను ఇసుమంతైనా సహించేది లేదని విస్పష్టంగా ప్రకటించారు. కూటమి ధర్మాన్ని ప్రతి ఒక్కరూ తూచా తప్పకుండా పాటించాలన్నారు.
ప్రస్తుతం రాష్ట్రంలో వర్షాకాల విపత్తులు, సహాయక చర్యలపై కూడా ఈ సందర్భంగా సమీక్ష నిర్వహించారు. తుపాను ప్రభావం ఉన్న జిల్లాల్లో అధికార యంత్రాంగం అప్రమత్తంగా ఉండేలా చూస్తూనే, మరోవైపు ఎన్నికల వ్యూహాలపై దృష్టిసారించాలని నాయకులకు సూచించారు.
[Chandrababu Fires YCP, Teleconference, Y CP Vote Bank, Local Body Elections, AP NDA Alliance, Telugu One]
